किवीचे भारतासमोर २७४ धावांचे लक्ष

ऑकलंड: भारताविरुद्धच्या दुसऱ्या वनडेत न्यूझीलंडने प्रथम फलंदाजीकरत ८ बाद २७३ धावा केल्या. सलामीवीर मार्टिन गप्टिलने सर्वाधिक ७९ धावा केल्या. अखेरच्या षटकात रॉस टेलरने न्यूझीलंडचा गडगडलेला डाव सांभाळला आणि भारतासमोर आव्हानात्मक धावसंख्या उभी केली. मालिकेतील पहिला सामना न्यूझीलंडने जिंकला आहे. त्यामुळे भारताला या सामन्यात विजय मिळवणे आवश्यक आहे.

ऑकलंड येथील ईडन पार्कवर भारताचा कर्णधार विराट कोहलीने नाणेफेक जिंकून प्रथम गोलंदाजी करण्याचा निर्णय घेतला. न्यूझीलंडने शानदार सुरूवात केली. मार्टिन गप्टिल आणि हेन्री निकोलस यांनी पहिल्या विकेटसाठी ९३ धावांची भागिदारी केली. चहलने निकोलस याला ४१ धावांवर बाद कर भारताला पहिला धक्का दिला. त्यानंतर गप्टिल आणि ब्लंडेल यांनी संघाला १५०च्या जवळ पोहोचवले. तेव्हाच ब्लंडेलला शार्दुलने बाद केले. त्यानंतर एक चोरटी धाव घेण्याच्या प्रयत्नात गप्टिल धावाबाद झाला. त्याने ७९ धावा केल्या. त्यानंतर न्यूझीलंडचा डाव कोसळण्यास सुरुवात झाली. गप्टिल बाद झाला तेव्हा न्यूझीलंडची अवस्था ३ बाद १५७ अशी होती. त्यानंतर भारतीय गोलंदाज आणि क्षेत्ररक्षकांनी न्यूझीलंडची अवस्था ८ बाद १९७ अशी केली.

अखेरच्या षटकात रॉस टेलर आक्रमक खेळ केला त्याला काईल जेमीसन चांगली साथ दिली. टेलरने नाबाद ७३ धावा केल्या. टेलर-जेमीसन जोडीने नवव्या विकेटसाठी नाबाद ७६ धावांची भागीदारी केली. ऑकलंड मैदानावर आणि न्यूझीलंडकडून नवव्या विकेटसाठीची ही सर्वोच्च भागीदारी ठरली.भारताकडून यजुवेंद्र चहलने सर्वाधिक ३ विकेट घेतल्या. तर जसप्रीत बुमराहने २ आणि रविंद्र जडेजाने एक विकेट घेतली.