कृउबा आवारात रस्त्यांच्या कामांना सुरूवात

शहादा । तालुका कृषी उत्पन्न बाजार समिती आवारात अंतर्गत रस्त्यांची कामे वेगाने सुरु असुन बाजार समितीचा चेहरा मोहराच बदलणार आहे.

सत्ताधारी गटाचे नेते सातपुडा साखर कारखाना चेअरमन दीपक पाटील यांचे मार्गदर्शनाखाली सभापती सुनिल सखाराम पाटील, उपसभापती रविन्द्र रावल, संचालक मंडळ व सचिव संजय चौधरी मेहनत घेत आहेत. प्रवेशद्वारापासुन तर कार्यालयापर्यंत स्टेट बँक पासुन तर कार्यालय व्यापारी संकुलापर्यंत रस्त्याचे काँक्रीटीकरण केले जात आहे. मुनसिपल शाळेकडील असलेल्या मागील बाजुस सरक्षंण भिंत बांधण्याचे काम सुरु आहे. आवारात कुठेही घाण राहाणार नाही याची काळजी या विकास कामाच्या माध्यमातून घेतली जात आहे. रस्त्यांचे काम झाल्यावर कृषी उत्पन्न बाजार समितीचा कार्यालयाचा अद्ययावत इमारतीचे काम होणार आहे.