केजरीवालांच्या शपथविधीला मोदींना निमंत्रण !

नवी दिल्ली: दिल्ली विधानसभा निवडणुकीत आम आदमी पक्षाने मोठा विजय मिळविला आहे. भाजप आणि कॉंग्रेसचा पार सुपडा साफ झाला आहे. अरविंद केजरीवाल हे तिसऱ्यांदा मुख्यमंत्री पदावर विराजमान होणार आहे. रविवार १६ फेब्रवुवारी रोजी त्यांचा शपथविधी आहे. दिल्लीतील रामलीला मैदानात हा शपथविधी सोहळा पार पडणार आहे. शपथविधी सोहळ्याला देशातील कोणालाही निमंत्रित करण्यात आलेले नाही. फक्त दिल्लीकर जनतेला या कार्यक्रमाचे निमंत्रण देण्यात आले आहे. पंतप्रधान नरेंद्र मोदी यांनाही आमंत्रित केले आहे. विशेष म्हणजे या सोहळ्याला अन्य कोणत्याही राज्याच्या मुख्यमंत्र्यासह दिग्गज नेत्यांना आमंत्रित करण्यात आलेले नाही.

दिल्ली विधानसभा निवडणुकीत केजरीवाल यांच्या आम आदमी पार्टीने भाजपाचा दारुण पराभव केला. दिल्लीतील ७० पैकी ६२ जागांवर विजय मिळवत आपने एकहाती सत्ता मिळवली.