केटामाईन गुन्ह्यातील सात आरोपींना कठोर शिक्षा ; 27 लाख 50 हजार दंड

जिल्हा न्यायालयाचे न्या. एस.जी.ठुबे यांनी दिला निकाल ; दंडाची रक्कम शासनाच्या महसूलात होणार जमा

जळगाव – जळगावच्या रेणुका इंडस्ट्रीजमध्ये छापा टाकून सुमारे मुंबई विभागातील डीआरआयच्या अधिकार्‍यांनी 14 डिसेंबर 2013 मध्ये 118 कोटी रुपये किंमतीचे केटामाइन या अंमली पदार्थाचा साठा जप्त आला होता. या खटल्यात शुक्रवारी जिल्हा न्यायालयाचे न्या. एस.जी.ठुबे यांनी सात ही आरोपींना वेगवेगळ्या कलमान्वये सश्रम कारावास व दंड अशी कठोर शिक्षा सुनावली आहे. दंडाची एकूण 27 लाख 50 हजाराची रक्कम राज्य शासनाच्या महसूलात जमा केली जाणार आहे. यातील मास्टरमाईंड संशयित विकास पुरी याला प्रत्येक कलमात 13 वर्ष सश्रम कारावास व पाऊणे दोन लाख असा एकूण 7 लाख दंड तर जळगाव जिल्ह्यातील संशयित खेमा झोपे व नितीन चिंचोले या दोघांना प्रत्येक कलमात प्रत्येकी 12 वर्ष सश्रम कारावास व प्रत्येकी तीन लाख रुपये दंडाची शिक्षा सुनावली आहे. शुक्रवारी सातही संशयित न्यायालयात प्रत्यक्ष हजर होते. निकालानंतर संशयितांना अश्रू अनावर झाले होते.

जळगाव औद्योगिक वसाहतीतील रुखमा इंडस्ट्रीज येथे छापा टाकून डीआरआय पथकाने 13 डिसेंबर 2013 रोजी मध्यरात्री छापा टाकून 1175 किलो केटामाइन जप्त केले. जागतिक बाजारपेठेत त्याची किंमत 118 कोटी रुपये आहे. याप्रकरणी वरूण कुमार तिवारी, गौरी प्रसाद पाल दोन्ही रा. विकरोली मुंबई, नित्यानंद थेवर (वय 27) रा. धारावी मुंबई, कांतीलाल उत्तम सोनवणे रा. जळगाव, जी. श्रीनिवास राव, विकास पुरी रा. पवई मुंबई, खेमा मधुकर झोपे रा. अंबरनाथ ठाणे, विकास रामकृष्ण चिंचोलो रा. जळगाव, नितीन चिंचोली रा. आदर्श नगर, रजनिश ठाकूर सिकंदराबाद, एस.एम.संथिककुमार मैलापूर, चेन्नई आणि विशाल सोमनाथ पुरी रा. जनकपुरी नवी मुंबई अशा 12 संशयित आरोपींवर नार्कोटिक ड्रग्स अ‍ॅण्ड सायकोट्राफिक सबस्टन्स अ‍ॅक्ट 1985 नुसार गुन्हा दाखल झाला होता. पाच वर्षापासून जिल्हा सत्र न्यायालयाचे न्या. एस.जी. ठुबे यांच्या न्यायालयात हा खटला सुरु आहे. यात 44 साक्षीदार डीआरआयतर्फे तपासण्यात आले. या खटल्यात शुक्रवारी निकालावर कामकाज झाले.

संशयितांना अशी सुनावली कलमनिहाय शिक्षा व दंड

विकास पुरी: हा मास्टरमाईंड असल्याचे समोर आले होते. हायप्रोफाईल असलेल्या संशयित पुरीस न्या.ठुबे यांनी 8 सी, 22 सी, 13 वर्ष सश्रम कारावास व पाऊणे दोन लाख दंड, दंड न भरल्यास 3 वर्ष सश्रम कारावास, कलम 8 सी, 23 सी अन्वये 13 वर्ष सश्रम कारावास, पाऊणे दोन लाख दंड, दंड न भरल्यास, 3 वर्ष सश्रम कारावास, कलम 27 अ प्रमाणे 13 वर्ष सश्रम कारावास, पाऊणे दोन लाख दंड व दंड न भरल्यास 3 वर्ष सश्रम कारावास, कलम 29 प्रमाणे 13 वर्ष सश्रम कारावास, पाऊणे दोन लाख दंड व दंड न भरल्यास 3 वर्ष सश्रम कारावास.

वरूणकुमार तिवारी यास कलम 8 सी, 22 सी मध्ये 10 वर्ष सश्रम कारावास व एक लाख रुपये दंड, दंड न भरल्यास अडीच वर्ष सश्रम कारावास, कलम 29 मध्ये 10 वर्ष एक लाख दंड, न भरल्यास अडीच वर्ष सश्रम कारावास, श्रीनिवास राव कलम 8 सी,23 सी प्रमाणे 12 वर्ष सश्रम कारावास, दीड लाख दंड, दंड न भरल्यास 3 वर्ष सश्रम कारावास, कलम 28 मध्ये 12 वर्ष सश्रम कारावास, दीड लाख रुपये दंड, दंड न भरल्यास 3 वर्ष सश्रम कारावास

रजनिश ठाकूर: कलम 8 सी, 23 अन्वये 12 वर्ष सश्रम कारावास, पाऊणे दोन लाख दंड, दंड न भरल्यास 3 वर्ष सश्रम कारावास, कलम 29 अन्वये 12 वर्ष सश्रम कारावास, पाऊणे दोन लाख दंड, दंड न भरल्यास 3 वर्ष सश्रम कारावास

एस.एम.शिंथीलकुमार: यास कलम 8 सी, 23 अन्वये 11 वर्ष सश्रम कारावास, दीड लाख दंड, दंड न भरल्यास अडीच वर्ष सश्रम कारावास व कलम 29 अन्वये 11 वर्ष सश्रम कारावास, दीड लाख दंड, दंड न भरल्यास अडीच वर्ष सश्रम कारावास

खेमा मधुकर झोपे: कलम 8 सी, 22 सी मध्य 12 वर्ष सश्रम कारावास, दीड लाख रुपये दंड, दंड न भरल्यास 3 लाख रुपये दंड, कलम 29 मध्ये 12 वर्ष, दीड लाख रुपये दंड, दंड न भरल्यास 3 वर्ष सश्रम कारावास

नितीन चिंचोले: कलम 25 मध्ये 12 वर्ष सश्रम कारावास, दीड लाख रुपये दंड, दंड न भरल्यास तीन वर्ष सश्रम कारावास, कलम 29 प्रमाणे 12 वर्ष सश्रम कारावास, दीड लाख रुपये दंड, दंड न भरल्यास तीन वर्ष सश्रम कारावास अशी शिक्षा सुनावली. संशयितांना सर्व शिक्षा एकत्रित भोगावयाचे आहे.

या संशयितांची निर्दोष सुटका
याप्रकरणात न्यायालयाने चालक गौरीप्रसाद पाल, चाल नित्यानंद थेवर , कांतीलाल सोनवणे, विशाल सोमनाथपुरी, विकास चिंचोले या 5 जणाची निर्दोष सुटका केली आहे. डीआरआयतर्फे विशेष सरकारी वकील अ‍ॅड. अतुल श्रीराम सरपांडे, जळगाव येथील सरकारी वकील अ‍ॅड. संभाजी जाधव आणि अ‍ॅड.खुशाल परमार, मुंबई यांनी कामकाज पाहिले तर आरोपीतर्फे अ‍ॅड. अकिल इस्माईल, अ‍ॅड. हिम्मत सुर्यवंशी, अ‍ॅङ प्रविण पांडे, अ‍ॅड.उपासणी, अ‍ॅड. एस.के. कौल व अ‍ॅड. विजय दर्जी यांनी कामकाज पाहिले.