केर्हाळ्यातील 23 वर्षीय तरुणाची आत्महत्या
रावेर- तालुक्यातील केर्हाळा बु.॥ येथील 23 वर्षीय तरुणाने गुढीपाडव्याच्य दिवशीहच गळफास घेवून आत्महत्या केल्याची शनिवारी सकाळी उघडकीस आली. रावेर पोलिस स्टेशनमध्ये अकस्मात मृत्यू नोंद करण्यात आली. राहुल संजय सावळे (23, इंदिरानगर) असे मयत तरुणाचे नाव आहे. तरुणाने आत्महत्या का केली? याचे कारण मात्र कळू शकले नाही. शेताच्या बांधावरील झाडाला ठिबक नळी बांधून त्याने गळफास घेतल्याची घटना शनिवारी साडेनऊ वाजेच्या सुमारास उघड झाली. घटनास्थळी फौजदार नाजिम शेख यांनी भेट दिली. याबाबत आकाश सुनील तायडे यांनी खबर दिल्यावरुन अकस्मात मृत्यूची नोंद करण्यात आली. तपास पोलिस निरीक्षक रामदास वाकोडे यांच्या मार्गदर्शनाखाली हवालदार श्रीराम वानखेडे करीत आहेत.