कोरोना संशयित रुग्णाचे हॉस्पिटलमधून पलायन

नागपूर: नागपूर येथील मेयो हॉस्पिटलमध्ये उपचार घेत असलेले कोरोनाचे पाच संशयित रुग्ण पळाल्याने खळबळ उडाली आहे. यामुळे पोलीस, आणि हॉस्पिटल प्रशासनात प्रचंड गोंधळ उडाला. संशयित रुग्णांचा सर्वत्र शोध घेण्यात येत आहे. ही घटना आज पहाटे उघडकीस आली. मिळालेल्या माहितीनुसार, एका स्वतंत्र वॉर्डात संशयित रुग्णांना ठेवण्यात आले होते. आज पहाटे या वॉर्डात करोनाची लागण झालेला रुग्ण असल्याची अफवा पसरली आणि रुग्णांमध्ये खळबळ उडाली.

या घटनेची माहिती तातडीने पोलिसांना माहिती देण्यात आली व रुग्णांच्या नातेवाईकांच्या मोबाईलवर संपर्क साधण्यात आला. दरम्यान, चारही रुग्ण घरी असल्याचे कळताच मेयो प्रशासनाने सुटकेचा निश्वास सोडला. या चारपैकी तीन रुग्ण नागपुरातील आहेत तर एक रुग्ण चंद्रपूरचा आहे.