कोल्हापूरचा सचिन पाटीलची ‘अर्ध मॅरेथॉन’मध्ये बाजी

ज्येष्ठ नागरिकांमध्ये हरिचंद्र थोरात प्रथम

पिंपरी-चिंचवड : रोटरी क्लब ऑफ निगडी तर्फे आयोजित ‘रन मॅरेथॉन ऑफ होप’ उपक्रमातील अर्ध मॅरेथॉन स्पर्धेत कोल्हापूरच्या सचिन पाटील याने प्रथम क्रमांक पटकाविला. या स्पर्धेत सात हजार स्पर्धकांनी भाग घेतला. निगडी, प्राधिकरणातील सेक्टर 27 येथील महापौर बंगल्यासाठी राखीव असलेल्या मैदानातून रविवारी सकाळी पावणेसहाला स्पर्धेस प्रारंभ झाला. रोटरी डिस्ट्रिक्ट 3131 चे डिस्ट्रीक्ट गर्व्हनर अभय गाडगीळ यांच्या हस्ते उद्घाटन झाले.यावेळी टाटा मोटर्सचे प्लॅान्ट हेड आर.के. सिंग, टाटा मोटर्सचे अचिंत्य सिंग, एसकेएफ कंपनीचे व्यवस्थापक सतीश परळीकर, टीजेएसबी बँकेचे संचालक दिलीप सुळे, रोटरी निगडीचे अध्यक्ष हेमंत कुलकर्णी, सचिव प्रवीण घाणेगावकर, सुभाष जयसिंघानिया, विजय काळभोर, श्रीकृष्ण करकरे, चंद्र छाब्रा, ईश्‍वर ठाकूर, अनिल कुलकर्णी, अर्जुन दलाल, शेखर कुलकर्णी आदी उपस्थित होते.

बारा प्रकारात, चार वयोगटात स्पर्धा
विविध बारा प्रकारात आणि मुले-मुली तसेच स्त्री-पुरूष अशा चार वेगवेगळ्या वयोगटात स्पर्धा घेतली. दुसर्‍या टप्प्यात लहान मुलांच्या स्पर्धेला महापौर नितीन काळजे यांची फ्लॅग ऑफ दाखविला. यावेळी उपमहापौर शैलजा मोरे, नगरसेवक अमित गावडे, नगरसेविका शर्मिला बाबर आदी उपस्थित होते.
12 ते 14 आणि 14 ते 16 या दोन वयोगटात ही स्पर्धा झाली. याशिवाय अन्य वयोगटातही स्पर्धा झाली. यामध्ये 5 किमीची स्पर्धा खुल्या वयोगटासाठी तर 2 किमीची धर्मादाय स्पर्धा उद्योग क्षेत्रासाठी होती. यावर्षी एकूण 4 लाख 15 हजार रुपयांपर्यंतची पारितोषिके देण्यात आली. प्रत्येक सहभागी स्पर्धकाला पदक देण्यात आले. तसेच 21 आणि 10 किमीच्या शर्यतीत सहभागी होणार्‍या 45 वर्षांपेक्षा जास्त वर्षांच्या असणार्‍यांसाठी यावर्षी विशेष पारितोषिके देण्यात आली.

स्पर्धेचा निकाल असा
महिला 21 किलोमीटर (वयोगट 45 वर्षांखालील) : नयन किरदात, विनया मालसुरे, कविता रेड्डी. वयोगट 45 वर्षा पुढील : लिलाम्मा अल्फोन्सा, जुई डोंगरे. पुरुष 21 किमी (वयोगट 45 वर्षाच्या आतील) : सचिन पाटील, अनंत टीमन, राजकुमार चौधरी. वयोगट 45 च्या पुढील : अशोक अमाने, उदय महाजन, अविनाश माने. कंपनी : एनप्रो, ऑर्ली कॉन, ब्रिस्टन. महिला (10 किमी 45च्या वर्षाच्या आतील) : प्रियंका चावरकर, शितल भगत, कविता भोईर. 45 वर्षाच्या पुढील : उषा पाटील, डॉ. अनिता डांग, विदुला साठे. 45 वर्षाच्या आतील 10 किलोमीटर : स्वप्नील सावंत, गिरीश वाघ, राहूल देशमुख. 45च्या पुढील : रवी कळसे, महेंद्र बजारे यांनी प्रथम, द्वितीय असे क्रमांक मिळविले. 16 वर्षाच्या आतील मुली : निकिता बोंगार्डे, निकिता हजारे, सिमरन मकानदार. मुले : महादेव कुंभार, विशाल कोळी, तेजस नरमाने. 14 वर्षाच्या आतील मुली : प्रिती चव्हाण, शीतल बोरगावे, निकिता कोळी. मुले : ओंकार पन्हाळकर, आकाश टिपरे, ओंकार पाटील.