कोळी पेठेत तरुणाला मारहाण : त्रिकुटाविरोधात गुन्हा

जळगाव : शहरातील कोळी पेठ भागातील पुलाच्या नाल्याजवळ मित्रांसोबत झालेल्या जुन्या वादाच्या कारणावरून तरुणाला शिविगाळ करून लाकडी दांड्याने मारहाण केली आणि नाल्यात लोटून दिले. या प्रकरणी तीन जणांवर शनीपेठ पोलीस ठाण्यात गुन्हा दाखल करण्यात आला.

जुन्या वादातून मारहाण
सागर उर्फ झंपर्‍या आनंदा सपकाळे (24, रा.कोळी पेठ, जळगाव) हा तरुण हातमजुरी करून आपला उदरनिर्वाह करतो. बुधवार, 22 जून रोजी सकाळी सागरच्या मित्र याच्यासोबत महेंद्र तुकाराम सोनवणे (रा.कोळीपेठ) यांचा वाद झाला होता. या कारणावरून दुपारी दोन वाजेच्या सुमारास कोळी पेठेतील नाल्याच्या पुलावर महेंद्र तुकाराम सोनवणे, अण्णा कैलास सैंदाणे आणि विशाल उर्फ गेंदा कैलास सैंदाणे (सर्व रा. कोळी पेठ) यांनी सागर सपकाळे याला गाठत शिवीगाळ करून मारहाण केली. यातील एकाने हातातील लाकडी दांड्याने पायावर मारून दुखापत केली. जखमी अवस्थे सागरला जवळल्या नाल्यात लोटून दिले व पळून गेले. उपचार घेतल्यानंतर गुरूवार 24 जून रोजी रात्री 9 वाजता सागर सापकाळे यांच्या फिर्यादीवरून संशयित आरोपी महेंद्र तुकाराम सोनवणे, अण्णा कैलास सैदाणे आणि विशाला उर्फ गेंदा कैलास सैंदाणे (सर्व रा.कोळी पेठ) यांच्या विरोधात शनिपेठ पोलिस ठाण्यात गुन्हा दाखल करण्यात आला. पुढील तपास हवालदार प्रमोद पाटील करीत आहे.