कोळी पेठेत बनावट गावठी पिस्तुल बाळगणार्यास अटक
जळगाव। कोळीपेठेत गावठी बनावटीचे पिस्तोल घेवून दहशत माजविणार्या तरूणाला शुक्रवारी दुपारी शनिपेठ पोलिसांनी पकडले. दरम्यान, त्याची झाडाझडती घेतली असता त्याच्याकडून पोलिसांना पिस्तोल मिळून आला आहे.
गेल्या काही दिवसांपासून कोळी पेठेतील जगदीश सुकलाल भोई (वय-27 रा. कोळीपेठ) हा तरूण बनावट गावठी पिस्तोल बाळगत दहशत माजवित असल्याची माहिती शनिपेठ पोलिस ठाण्यातील पोलिस कर्मचारी अमित बाविस्कर व गणेश गव्हाळे यांना मिळाली होती. तर शुक्रवारी जगदीश हा कोळीपेठेत पिस्तोल बाळगुन फिरत असल्याची पुन्हा बाविस्कर व गव्हाळे यांना मिळाली. त्या माहितीच्या आधारावर डिवायएसपी सचिन सांगळे व पोलिस निरीक्षक प्रविण वाडीले यांच्या मार्गदर्शनाखाली अमित बाविस्कर, गणेश गव्हाळे, अनिल धांडे, नरेंद्र ठाकरे, जितेंद्र सोनवणे, मिलींद कंक आदी पोलिस कर्मचार्यांनी दुपारी कोळीपेठेत सापळा रचून गावठी पिस्तोल बाळगणार्या जगदीश भोई याला पकडले. दरम्यान, त्याची अंगझडती घेतली असता त्यांच्याकडून बनावट गावठी पिस्तोल मिळून आले.