कौटूंबिक दाम्पत्यातून पत्नीची हत्या : थोरगव्हाणच्या आरोपी पतीला बेड्या

यावल : कौटुंबिक वाद विकोपाला गेल्याने पतीने पत्नीचा खून केल्याची धक्कादायक घटना तालुक्यातील थोरगव्हाण येथे रविवारी सायंकाळी घडली. खून करणारा संशयीत पती हा स्वत:हून पोलिसात हजर झाला आहे. या घटनेत इंदूबाई प्रकाश पाटील (58, रा.थोरगव्हाण, ता.यावल) असे मयत विवाहितेचे नाव आहे तर संशयीत प्रकाश पाटील यास पोलिसांनी ताब्यात घेतले आहे.

कौटुंबीक वादातून पत्नीचा खून
पती प्रकाश पांडूरंग पाटील हे पत्नी व विवाहित मुले आनंद आणि मुकेश यांच्यासह वास्तव्यास होते. इंदूबाई पाटील आणि प्रकाश पाटील यांच्या तगेल्या अनेक दिवसांपासून कौटुंबिक वाद सुरू होता. रविवार, 27 फेब्रुवारी रोजी मुलगा आनंद हा जळगाव येथे कामासाठी गेला होता तर लहान मुलगा एका गल्लीत वेगळा राहतो. त्यामुळे घरात प्रकाश पाटील आणि पत्नी इंदूबाई पाटील हे दोन्ही एकटेच होते. सायंकाळी पाच वाजेच्या सुमारास दाम्पत्यात वाद सुरू झाल्यानंतर संतापाच्या भरात प्रकाश पाटील यांनी पत्नी इंदूबाई पाटील यांच्या डोक्यात लाकडी दांडका टाकला. यात इंदूबाई पाटील यांच्या डोक्याला गंभीर दुखापत झाली. त्यांना शेजारच्यांनी तातडीने जळगाव जिल्हा रूग्णालयात उपचारार्थ हलवलत असताना त्यांचा त्यांचा मृत्यू झाला.

संशयीत पती पोलिसात हजर
पत्नीच खून झाल्यानंतर पती प्रकाश पाटील हे स्वतःहून यावल पोलिस ठाण्यात जमा झाले आहेत. जिल्हा शासकीय वैद्यकीय महाविद्यालयात मृतदेह आणण्यात आला असून रात्री उशीरापर्यंत संशयीत आरोपी पती प्रकाश पांडूरंग पाटील याच्या विरोधात गुन्हा नोंदविण्याचे काम सुरू होते. मयत महिलेच्या पश्‍चात पती, दोन मुले आणि विवाहित मुलगी असा परीवार आहे. गुन्ह्याचा तपास पोलिस निरीक्षक सुधीर पाटील यांच्या मार्गदर्शनाखाली सहाय्यक फौजदार विजय पाचपोळ व पोलिस करीत आहे.