क्रीडा शिक्षकांचा क्रीडा स्पर्धा नियोजनावर बहिष्कार
तर्हाडी। क्रीडा शिक्षकांच्या तासिका कमी बाबतचे 28 एप्रिलच्या परिपत्रकाप्रमाणे जारी केलेल्या शारिरीक शिक्षण विषयाच्या तासिका निम्म्याने कमी केल्याने शारिरीक शिक्षण शिक्षकांवर अतिरिक्त होण्याची वेळ आली आहे. व शिक्षकांना शारिरीक शिक्षण विषय सोडून इतर विषय शिकवावे लागणार यांचा क्रीडा क्षेत्राला परिणाम होऊन क्रीडा शिक्षक पद काळाच्या पडद्याआड जाणार आहे.
त्या अनुषंगाने शिरपूर तालुक्यातील शारिरीक शिक्षण-शिक्षक संघटनेच्यावतीने शिरपूर येथील उपविभागीय अधिकारी शिरपूर नितीन गावंडे व नायब तहसिलदार जी.बी. सुर्यवंशी यांना बहिष्काराबाबत निवेदन संघटनेचे अध्यक्ष के.डी. चौधरी, सचिव-प्राचार्य- व्ही. एस. मराठे, मनोज पाटील, आर.एस. चव्हाण, राधेशाम पाटील, चेतन पाटील, ज्ञानेश्वर पाटील, ए.डी. महाजन, आर. यु. चौधरी, के.पी.पाटील आदी उपस्थित होते.