क्रीडा संकुलासाठी 5 हेक्टर जागा

जळगाव । तालुक्यातील सावखेडा बुदु्रक ग्राम पंचायत हद्दीत येणार्‍या वाघनगर परिसरातील नागरिकांच्या पिण्याच्या पाण्याची समस्या सोडविण्यासाठी सहकार राज्यमंत्री गुलाबराव पाटील यांच्या प्रयत्नातून 19 कोटी 26 लाख 60 हजार रुपयांच्या पाणी पुरवठा योजनेच्या प्रत्यक्ष कामाला लवकरच सुरुवात होणार आहे. येत्या 20 दिवसांत या कामास सुरवात करण्याचे आदेश राज्यमंत्री गुलाबराव पाटील यांनी दिले आहेत. यासंदर्भात बुधवारी 28 रोजी अजिंठा शासकिय विश्रामगृहात राज्यमंत्री गुलाबराव पाटील यांच्या अध्यक्षतेखाली बैठक बोलविण्यात आली होती. या कामाअंतर्गत 1 लाख लीटर पाणी साठा क्षमतेच्या 2 टाक्या तर साडेतीन लाख लीटर पाणी क्षमतेची 1 टाकी बांधण्यात येणार आहे. तसेच कोल्हे हिल्सवर जलशुध्दीकरण केंद्र, वाघूर धरणावरुन पाईपलाईन आणणे आदी कामांचा समावेश आहे. या कामांमध्ये येणार्‍या अडचणी सोडविण्यासाठी बैठक बोलविण्यात आली होती.

आसोदा येथे होणार तालुका क्रीडा संकुल
तालुक्यातील आसोदा येथे होणार्‍या संभाव्य क्रिडा संकुलाबाबत देखील बैठकीत चर्चा करण्यात आली. जिल्हा क्रिडा अधिकारी सुनंदा पाटील देखील यावेळी उपस्थित होत्या. क्रिडा संकुलासाठी 5 हेक्टर जागा तहसिदार यांच्या उपस्थितीत उपलब्ध करुन घ्यावी आणि उपलब्ध असलेल्या निधीतून त्या जागेला संरक्षण भिंत बांधण्याच्या सूचना यावेळी राज्यमंत्री गुलाबराव पाटील यांनी दिल्या.

17 फेबु्रवारीला मान्यता
वाघनगर भागातील सततच्या पाणी टंचाईबाबत परिसरातील नागरिकांनी राज्यमंत्री गुलाबराव पाटील यांच्याकडे समस्या मांडली होती. या समस्येची तात्काळ दखल घेवून राज्यमंत्री पाटील यांनी शासनदरबारी जलस्वराज्य प्रकल्पाअंतर्गत 17 फेबु्रवारी 2017 रोजी पाणी पुरवठा योजनेला प्रशासकिय मान्यता मिळाली आहे. त्यानुसार शासनाने 19 कोटी 26 लाख 60 हजार रुपये पाणी पुरवठा योजना मंजुर केली होती. या कामास येत्या 20 दिवसांत सुरुवात करण्याचे आदेश संदर्भात सहकार राज्यमंत्री गुलाबराव पाटील यांनी शासनाकडे पाठपुरवाठा केला होता.

यांची होती उपस्थिती
जि.प.सदस्य पवन सोनवणे, पंचायत समिती सदस्य तुषार महाजन, नंदू पाटील, मजिप्राचे कार्यकारी अभियंता एस. सी. निकम, तहसिलदार अमोल निकम, प्रविण पाटील, भगवान पाटील, भोेजू महाजन खेमचंद महाजन, संजय ढाके व संतोष पाटील सा.बां.विचे कार्यकारी अभियंता जी. टी. राजपूत, एस. आर. राऊत मनपाचे डी. एस. खडके उमाळा रायपूत कंडारी या गावांचे ग्राम सेवक सरपचं, ग्रा.पं.सदस्य, पदाधिकारी उपस्थित होते.