खडकवासलात 90% पाणीसाठा
पुणे । गेल्या आठवडाभरापासून जिल्ह्यात पावसाने जोरदार हजेरी लावली असून, अधूनमधून पावसाच्या सरी पडत आहेत. धरणक्षेत्रातही पावसाच्या सरी पडत असल्याने धरणांच्या पाणीसाठ्यात वाढ होत आहे. शहराला पाणीपुरवठा करणार्‍या खडकवासला धरणसाखळी प्रकल्पात शनिवारी सायंकाळपर्यंत 90.24 टक्के पाणीसाठा झाला आहे. तर पिंपरी-चिंचवड शहरांना पाणीपुरवठा होणारे पवना धरण 100 टक्के भरले आहे.
खडकवासला धरणसाखळी प्रकल्पाची एकूण साठवण क्षमता 29.15 टीएमसी असून सध्या 26.2 टीएमसी पाणीसाठा झाला आहे. धरणसाखळीतील पाणीसाठा पावसाचे प्रमाण चांगले राहिल्यास येत्या काळात पूर्ण क्षमतेने भरेल असा अंदाज आहे. त्यामुळे पुणे शहराच्या पिण्याच्या पाण्याबरोबरच जिल्ह्यातील हवेली, दौंड, बारामती, इंदापूर तालुक्यातील शेतीसाठी देखील मुबलक पाणीसाठा होणार आहे. खडकवासला धरणसाखळी प्रकल्पातील पानशेत, वरसगाव आणि टेमघर या चारही धरणक्षेत्रातील पाणीसाठ्यात वाढ होत आहे. खडकवासला, पानशेत धरण 100 टक्के भरली आहेत. तर वरसगाव धरणात 92.15 टक्के पाणीसाठा झाला आहे.
खडकवासल्यातून विसर्ग सुरू
खडकवासला धरणात 2 मिमी, पानशेत10 मिमी, वरसगाव धरणात 10 मिमी तर टेमघर धरणाच्या पाणलोट क्षेत्रात 10 मिमी पावसाची नोंद झाली आहे. खडकवासला आणि वरसगाव धरणातून पाणीविसर्ग सुरू आहे. जिल्ह्यातील धरणक्षेत्रात पाणीसाठा वाधला आहे. मुळशी धरण 100 टक्के चासकमान 100 टक्के, डिंबे98.54, कळमोडी, घोड 84.67 टक्के येडगाव 52.59 टक्के, पिंपळगाव जोगा 67.26 आणि माणिकडोह 67.51 टक्के पाणीसाठा झाला आहे.
धरणाचे नाव (टीएमसीमध्ये) विसर्ग
पाणीसाठा (क्युसेक्स)
खडकवासला 1.97 856
पानशेत 10.62 990
वरसगाव 11.82 –
टेमघर 1.58 –
पवना 8.51 2208
चासकमान 7.57 2768
डिंबे 12.31 2838
येडगाव 1.47 –
पिंपळगाव जोगा 2.62 –
माणिकडोह 6.91 –
मुळशी 18.46 1500
उजनी 38.15 –