खडकी येथील अल्पवयीन मुलाचे अपहरण

चाळीसगाव : तालुक्यातील खडकी गावातील पंधरा वर्षीय अल्पवयीन मुलाचे अपहरण करण्यात आले. या प्रकरणी अज्ञात व्यक्तीविरोधात चाळीसगाव शहर पोलिस ठाण्यात गुन्हा दाखल करण्यात आला.

अज्ञाताविरोधात गुन्हा दाखल
चाळीसगाव तालुक्यातील खडकी येथील सचिन अशोक पवार (15) हा मुलगा आपल्या कुटुंबियांसह वास्तव्याला आहे. 1 जून रोजी सकाळी 11.30 वाजेच्या सुमारास सचिन पवार हा घरात एकटा असतांना अज्ञात व्यक्तीने फूस लावून अपहरण करून पळवून नेले. सचिनचे वडील अशोक पवार यांनी परीसरात, त्याचे मित्र आणि नातेवाईकांडे शोधाशोध केली परंतु तो कुठेही आढळून आला नाही. अखेर शनिवार, 4 जून रोजी सायंकाळी 5.30 वाजेच्या सुमारास चाळीसगाव शहर पोलिस ठाण्यात अज्ञात व्यक्तीविरोधात गुन्हा दाखल करण्यात आला. पुढील तपास सहाय्यक पोलिस निरीक्षक विशाल टकले करीत आहे.