खाकी डागाळली ; पोलिस नाईकानेच केला अल्पवयीन मुलीवर अत्याचार

पीडीतेच्या भावास ठार मारण्याची धमकी देत केले कृत्य ; तक्रारीची जिल्हा पोलिस अधीक्षकांकडून गांभीर्याने दखल

जळगाव- भावाला ठार मारण्याची धमकी देत 16 वर्षीय अल्पवयीन मुलीवरच पोलिस दलातील नाईकाने अत्याचार केल्याची माणुसकीला तसेच पोलिस दलाच्या प्रतिमेला तडा गेल्याची घटना जळगावात घडली. या प्रकरणी संशयीत आरोपी तथा पोलिस दलातील नाईक व कराटे व स्केटिंगचा कोच विनोद अहिरे याच्याविरुद्ध गुन्हा दाखल करून त्यास अटक करण्यात आली. जिल्हा पोलिस अधीक्षक दत्ता शिंदे यांच्याकडे या प्रकरणाची तक्रार आल्यानंतर त्यांनी तातडीने दखल घेत कारवाईचे निर्देश दिले.

धमकी देत केला अत्याचार
पीडीत तरुण जळगाव पोलिस मुख्यालयातील कराटे प्रशिक्षण केंद्रात प्रशिक्षण घेण्यासाठी आल्यानंतर आरोपीने तिच्याशी सलगी वाढवत दक्षतानगर येथील बिल्डिंग क्रमांक एकमधील वरच्या मजल्यावरील खोलीत पीडीतेवर अत्याचार केला शिवाय याबाबत कुठे वाचत्या केल्यास भावास जीवे ठार मारेल, अशी धमकीही दिली. गुन्हा दाखल झाल्यानंतर पोलिसांनी रविवारी रात्रीच पीडीता व संशयित विनोद यांची वैद्यकीय तपासणी केली आहे. पोलिस निरीक्षक गायकवाड अधिक तपास करीत आहेत.