खासदार रक्षा खडसेंच्या वतीने निराधारांना 14 एप्रिलपर्यंत अन्नदान

भुसावळ : माजी महसूल मंत्री एकनाथराव खडसे यांच्या प्रेरणेतून रावेर लोकसभा मतदार संघाच्या खासदार रक्षा खडसे यांनी कोरोनाच्या पार्श्वभूमीवर गोरगरीब मजूर कामगार निराधारांना अन्नदान करण्याचा निर्णय घेतला आहे. याकामी रेल्वेच्या आयआरसीटीसी विभागाचे सहकार्य मिळाले आहे. दररोज एक हजार 500 फूड पॅकेट वितरीत केले जाणार आहेत. मंगळवार, 31 रोजी भुसावळातील नगरसेवक अ‍ॅड.बोधराज चौधरी, नगरसेवक राजेंद्र नाटकर, नगरसेविका सोनी संतोष बारसे यांच्या प्रभागांमध्ये अन्नदान करण्यात आले. दरम्यान मंगळवार ते 14 एप्रिलपर्यंत म्हणजेच लॉक डाऊन असेपर्यंत हा उपक्रम राबवण्यात येणार आहे.

यांची होती उपस्थिती
अन्नदान प्रसंगी आमदार संजय सावकारे, नगराध्यक्ष रमण भोळे, भाजपा संघटन जिल्हा सरचिटणीस प्रा.डॉ.सुनील नेवे, शहराध्यक्ष दिनेश नेमाडे, सरचिटणीस पवन बुंदेले, अनिकेत पाटील, राजू खरारे, सुमित बर्‍हाटे, पृथ्वीराज पाटील, संतोष बारसे, गिरीश महाजन, नंदकिशोर बडगुजर, नारायण रणधीर, विणू रणधीर, बिसन गोहर इत्यादी पदाधिकारी उपस्थित होते.