खिर्डी खुर्द येथे होणार ऑक्सिजन पार्क

खिर्डी। रावेर तालुक्यातील खिर्डी खुर्द येथे ऑक्सीजन पार्क (वनस्पती उद्यान) यासाठी पर्यटन व रोजगार मंत्री जयकुमार रावल व जिल्हाधिकारी निंबाळकर यांनी नुकतीच मंजूरी दिली असुन ह्या कामाला लवकरच सुरुवात होणार आहे. या ऑक्सीजन पार्कसाठी राज्याचे माजी महसुल मंत्री एकनाथराव खड़से, जिल्हा परिषदेचे उपाध्यक्ष नांदकिशोर महाजन तसेच भाजप युवा मोर्चाचे तालुका अध्यक्ष पवन चौधरी यांनी प्रयत्न केले होते.

50 हजार चौरस फूट जागेवर उभारणी
विशेष म्हणजे हा पार्क ग्रामीण भागातील एक महत्वपूर्ण पार्क असणार आहे. खिर्डी खुर्द येथील जिल्हा परिषद मराठी मुलांची शाळा ही ग्रामपंचायतीने ठराव करून जिल्हा परिषेदेचे प्राथमिक शिक्षणाअधिकारी यांच्याकड़े या जागेसंदर्भात मागणी केली होती. त्यानुसार ती मंजुर होवुन 50 हजार स्केअर फुट जागेवर हा पार्क तयार होणार आहे अशी माहीती ग्रामपंचायत सदस्य तथा भाजप युवा मोर्चा तालुकाध्यक्ष पवन चौधरी यांनी सांगितले.

दोन हजार वृक्षांची लागवड
यात जवळपास दोन हजार वृक्ष लागवड असुन त्यात निंब, करंज, वड, पिंपळ, उंबर, शिंक, कांचनमोठा किलही, सावडा तसेच शोभीवंत झाडांमधे अमलताश, काशिद, शंकासुर, गुलमोहर या सारखी व फळ झाडे चिकू सीताफळ, रामफळ आदिसह झाडे यात असणार आहेत तसेच वनस्पती वृक्ष असणार आहे.