गडकरी यांच्या हस्ते ’दगडूशेठ गणपती’ ची आरती

पुणे । श्रीमंत दगडूशेठ हलवाई गणपती ट्रस्टच्या शतकोत्तर रौप्य महोत्सवानिमित्त केंद्रीय रस्ते वाहतूक मंत्री नितीन गडकरी यांच्या हस्ते श्रींची आरती करण्यात आली. यावेळी खासदार अनिल शिरोळे, पालकमंत्री गिरीश बापट, ट्रस्टचे हेमंत रासने, सुनील रासने, माणिक चव्हाण यांसह विश्‍वस्त उपस्थित होते.

गणपतीसाठी उभारण्यात आलेल्या ब्रह्मणस्पती मंदिर व त्यांची वैशिष्टे पाहून गडकरी यांनी भरभरून कौतुक केले. तसेच गणेशोत्सव शतकोत्तर रौप्यमहोत्सवी वर्षानिमित्त पुणेकरांना शुभेच्छा दिल्या. ट्रस्टतर्फे सन्मानचिन्ह व उपरणे देऊन त्यांचे स्वागत करण्यात आले. यावेळी उत्सव मंडपात उपस्थित असलेल्या वारकरी बांधवांशी त्यांनी संवाद साधला.