अलिबाग – गणेशोत्सव अवघ्या तीन दिवसांवर येऊन ठेपला असून, जिल्ह्यात सर्वत्र उत्सवाचे वातावरण निर्माण जाले आहे. नाक्यानाक्यावर उत्सवाची चर्चा आहे. आपल्या लाडक्या बाप्पाच्या आगमनासाठी भक्त सज्ज होत आहेत. 25 ऑगस्टरोजी जिल्ह्यात 98 हजार 944 गणपतीमूर्तींची स्थापना करण्यात येणार असून, मूर्तीकारांची लगबग सुरु आहे. जिल्ह्यात उत्सव काळावधीत कायदा व सुव्यस्था राखण्यासाठी पोलीस प्रशासन तसेच जिल्हा प्रशासन सज्ज झाले आहे. बाप्पाच्या सजावटीचे साहित्य तसेच पूजेचे साहित्य घेण्यासाठी बाजारपेठांमध्ये गर्दी होत आहे. सोशल नेटवर्किंग साईटवरदेखील गणपती उत्सवाचीच धूम असल्याचे चित्र दिसून येते.
मूर्तिकारांची लगबग
गणेशोत्सव जवळ आल्याने काही गणेशभक्त गणपती मूर्ती आपापल्या घरी गेऊन जाऊ लागले आहेत. तर बहुतांश गणेशभक्त गुरुवारी (ता.24) गणपती मूर्ती आपल्या घरी घेून जातील. काही गणपती मूर्ती कारखान्यांमध्ये गणपती मूर्तींचे काम सुरु आहे. झिंग, हिरे तसेच इतर साहित्याने मूर्ती सजविण्यात येत आहेत.
जिल्ह्यात जमावबंदी
गणोशोत्सवात रायगड जिल्ह्यात जनावबंदी आदेश जारी करण्यात आला आहे. या कालावधीत मोर्चे, निदर्शने तसेच ज्वलंत पदार्थ व हत्यारे जवळ बाळगण्यास मनाई करण्यात आली आहे. उत्सव काळावधीत गुन्हेगारी पार्श्वभूमी असलेल्या नागरिकांना तात्पुरते स्वरुपात तडीपार करण्यात येत आहे. तसेच यापूर्वीच सार्वजनिक गणेशोत्सव मंडळांची जिल्हा प्रशासन तसेच पोलीस विभागाने बैठका घेतल्या असून, त्यांना कायदा व सुव्यवस्था राखण्याचे आवाहन केले आहे. बंदोबस्तासाठी होमगार्डची मदत घेणार आहे.
बाजारात गर्दी
गणपती बाप्पाच्या सजावटीचे साहित्य तसेच पूजेचे साहित्य विकत घेण्यासाठी बाजारपेठेत भक्तांची गर्दी होत आहे. थर्माकोलची मखरे, सिंहासणांना भक्तांची पहिली पसंती मिळत आहे. तसेच सजावटीसाठी विविध प्रकारच्या दिपमाळा भक्तांच्या पसंतीस उतरत आहेत. याव्यतिरिक्त अगरबत्ती, कापूर, धूप यासह इतर पूजेचे साहित्य विकत घेण्याकडे भक्तांचा कल आहे.
सोशल मीडियावरही धूम
सोशल नेटवर्कींग साईटवरही गणेशोत्सवाची धूम आहे. वॉट्स अॅप, फेसबुक या साईटवर एकमेकांना शुभेच्छा देण्याबरोबरच, गणपती मूर्ती कशी असावी, उत्सव कशाप्रकारे साजरा करण्यात यावा ही माहिती एकमेकांना पाठविण्यात नेटकर पुढे आहेत. तसेच उत्सवाचे संदेश देण्याबरोबरच, आरती संग्रहाचे पुस्तकही पाटविम्यात येत आहे. नेटकर्यांनी आपला डी.पी.वर गणपतीमूर्तीचा फोटो ठेवला आहे. तसेच आपल्या घरात प्रतिष्ठापणा करण्यात येणार्या गणपतीची मूर्ती सोशल नेटवरिकंग साईटवर पाठवून, गणपतीच्या दर्शनाला घरी येण्याचे आमंत्रणही देण्यात येत आहे.