गांगुलीची जाहिरातमधील ‘दादागिरी’ बीसीसीआयला खुपली

इंदैर । भारतीय क्रिकेट संघाचा माजी कर्णधार सौरव गांगुली हा आपल्या दादागिरीसाठी क्रिकेट खेळत असतांनाही प्रसिध्द होता.सौरव गांगुली अनेक कारणामुळे प्रसिध्द झोतात राहिला आहे. तसेच आज गांगुली दादा सेंकड क्रिकेट असोसिएशनचे अध्यक्षपद भुषवित आहे.त्याचसोबत माजी होवूनही जाहिरातीमध्ये दादाची आजही दादागिरी सुरू आहे.ते बीसीसीआयच्या डोळ्यात खुपले.त्यामुळे गांगुली दोन दगडांवर पाय का ठेवत आहे,असा प्रश्‍न बीसीसीआय’ने विचारला आहे.

ब्रॅड्सच्या क्षेत्रात आजही गांगुलीचे नाव
ब्रॅड्सच्या क्षेत्रात आजही गांगुलीचे नाव आघाडीवर आहे.जेथे क्रिकेटमधून निवृत्ती घेतल्यानंतर अनेक जण जाहिरातीतून अदृश्य होतात.तेथे दादा आजही जाहिरात झळकत आहे. आयपीएल सामन्यांदरम्यान एमपीसीए मैदानावर गांगुलीचे भलेमोठे पोस्टर सर्वांचे लक्ष वेधून घेत होते. किंग्ज इलेव्हन पंजाबचे अधिकृत लॉजिस्टिक पार्टनर असलेल्या कुरिअर कंपनीचा गांगुली ब्रँड अ‍ॅम्बेसेडर आहे.

क्रिकेट बोर्डाच्या अध्यक्षपदी असताना त्याने जाहिराती कराव्यात का, हा प्रश्न उपस्थित केला जात आहे. आयपीएल गव्हर्निंग काऊन्सिलचा सदस्य असताना आयपीएलमधील एखाद्या संघाच्या सहप्रायोजकांचं प्रमोशन गांगुलीने करणे कितपत योग्य आहे, असा सवालही विचारला जात आहे.

प्रतिनिधीत्व कुणी करायचे?
आयसीसीच्या आगामी बैठकीत भारताचे प्रतिनिधित्व कुणी करायचे यासाठी गांगुली आणि बीसीसीआयचे माजी अध्यक्ष एन. श्रीनिवासन यांच्यात स्पर्धा आहे. आयसीसीची ही बैठक 24 एप्रिलला दुबईत होत आहे. गांगुली सध्या एका टीव्ही शोमध्ये एक्स्पर्ट म्हणून, तर एका वृत्तपत्रात स्तंभलेखन करतानाही दिसत आहे.