गाडगेबाबांना अभिप्रेत वंचित-शोषितांसाठी काम व्हावे !

फैजपूर येथे सत्यपाल महाराज यांचे आवाहन : फैजपूर शहरात राष्ट्रसंत श्री गाडगेबाबा लोकमित्र सन्मान सोहळा उत्साहात : विविध क्षेत्रातील 60 मान्यवरांचा ‘लोकमित्र सन्मान’ पुरस्काराने गौरव ; दोन तासांच्या कीर्तनात अंधश्रद्धेसह भगत, भोंदू बाबांवर कडाडून प्रहार

फैजपूर- राष्ट्रसंत गाडगेबाबा यांना अभिप्रेत असलेले सामाजिक काम उभे राहण्याची गरज आहे. डॉ.बाबाबाहेब आंबेडकर संघर्षयात्री होते. त्यांच्या विचारांशी नाते जोडा, असे आवाहन सप्तखंजिरीवादक सत्यपाल महाराज यांनी येथे केले. फैजपूर येथील म्यूनिसीपल हायस्कूलच्या पटांगणावर रविवार, 26 मे रोजी राष्ट्रसंत श्री गाडगेबाबा लोकमित्र सन्मान सोहळा पार पडला. त्यानिमित्त आयोजित समाजप्रबोधनपर कीर्तनाचा कार्यक्रम झाला. याप्रसंगी सत्यपाल महाराज बोलत होते. याप्रसंगी विविध क्षेत्रातील 60 मान्यवरांचा ‘लोकमित्र सन्मान’ पुरस्काराने गौरव करण्यात आला.

विचार पीठावर यांची होती उपस्थिती
सन्मान सोहळ्याच्या विचार पीठावर जनसंग्राम बहुजन लोकमंचचे संस्थापक विवेक ठाकरे, महाराष्ट्र परीट (धोबी) सेवा मंडळाचे आरोग्य समिती प्रदेशाध्यक्ष गोपी अण्णा चाकर, बारा बलुतेदार महासंघाचे जिल्हाध्यक्ष चंद्रकांत सोनवणे,
रावेरचे पोलिस निरीक्षक रामदास वाकोडे, राज्यस्तरीय आदर्श शिक्षक पुरस्कारप्राप्त किशोर पाटील कुंझरकर, सावद्याचे माजी नगराध्यक्ष राजेश वानखेडे, निंभोरा पोलिस ठाण्याचे सहाय्यक निरीक्षक प्रकाश वानखेडे, फैजपूरचे माजी प्रभारी नगराध्यक्ष कलिम मण्यार यांच्यासह मान्यवर उपस्थित होते.

अंधश्रद्धेवर कडाडून टिका
आपल्या दोन तासांच्या समाजप्रबोधन कीर्तनातून सत्यपाल महाराज यांनी अंधश्रद्धा निर्मूलन करतांना पाखंडी बाबा, भगत-भोपे यांच्यावर सडाडून टिका केली. गौतम बुद्ध, छत्रपती शिवाजी महाराज, तुकाराम महाराज, तुकडोजी महाराज यांनी जगाला वास्तवाशी जोडले, असे सांगत सत्यपाल म्हणाले की, त्यांनी देवळातील देवाला नाही तर माणसाना देव मानून पुंजले.दिन-दलित, वंचितांचे कैवारी होवून सेवा केली व अशा वास्तव विचाराला फुंकर घालणार्‍या व आत्मभान जागवणार्‍या नरेंद्र दाभोळकर यांची हत्या झाली. माझ्यावर पण जीवघेणा हल्ला करण्यात आला पण जातीय निर्मूलनाच्या उच्चाटनासाठी व वंचितांच्या न्यायासाठी आपले सुरूच राहिले, असे ते म्हणाले.

60 मान्यवरांना लोकमित्र सन्मान
कीर्तनापूर्वी राष्ट्रसंत सत्यपाल महाराज यांच्या हस्ते शिक्षण, सामाजिक,राजकीय, उद्योग, शेती, सांस्कृतिक, महिला सक्षमीकरण, कला, क्रीडा व इतर क्षेत्रात विशेष काम करणार्‍यांना राष्ट्रसंत श्री गाडगेबाबा लोकमित्र सन्मानाने गौरवण्यात आले. कार्यक्रमाचे प्रास्ताविक संघटनेचे राज्य समन्वयक वाय.डी.पाटील यांनी तर ज्योती राणे यांनी सूत्रसंचालन केले.

या मान्यवरांचा झाला सन्मान
जनसंग्राम बहुजन लोकमंचाच्या वतीने आदिवासी सेवा मंडळ (आसेमं), फुले शाहू आंबेडकर बहुउद्देशीय संस्था, कै.शंकररावजी काळुंखे चॅरीटेबल ट्रस्ट,सामाजिक समतामंच, अट्रावल ता.यावल येथील डॉ.बी.आर.आंबेडकर फाऊंडेशन, निंभोरा येथील युवा रसिक मंडळ, मस्कावद येथील मनूमाता महिला कृषी विज्ञान मंडळ, मौलाना आझाद अल्पसंख्यांक संस्था, सर्वश्री चिंतामणी फौंडेशन, रावेर येथील सांस्कृतिक कलामंचचे हेमेंद्र नगरीया, साई मोरया ग्रुप, युवाशक्ती फौंडेशन, भरारी बहुउद्देशीय संस्था या संस्थासंह क्रीडा क्षेत्रात कार्यरत ज्येष्ठ क्रीडापटू फारुख शेख, बहुजन चळवळीचे ज्येष्ठ नेते मुकुंद सपकाळे, प्रा.राजेश जाधव, प्रवीण पाटील, श्वेता पाटील, मनोज भालेराव, उद्योजक अशोक चौधरी (कळमसरा), अविनाश पाटील, सुनील दाभाडे, ऐनपूर येथील जगन्नाथ शामू पाटील, विवरा येथील दत्ता पाटील, प्रयोगशील शेतकरी रवींद्र भोगे (निंभोरा), प्रशांत वसंतराव महाजन (तांदलवाडी), तालुका पोलिस पाटील संघटनेचे अध्यक्ष योगेश पाटील, केर्‍हाळा येथील महिला पोलिस पाटील वर्षा पाटील, जयश्री कुलकर्णी (रावेर), प्रशांत महाशब्दे, सुवर्णलता उत्तम अडकमोल (भुसावळ), साहित्यिक डी.डी.पाटील (जामनेर), डॉ.पांडुरंग आल्हाट, आरोग्यदूत अरविंद देशमुख, जयसिंग वाघ (जळगाव), कुंभार समाजाचे जिल्हाध्यक्ष चंद्रशेखर कापडे, पंकज महाजन, वडार समाजाचे जिल्हाध्यक्ष दीपक पवार, प्रा.विमल वाणी यांच्यासह विविध क्षेत्रात लौकीकपात्र काम केलेल्या 60 जणांना राष्ट्रसंत श्री.गाडगेबाबा लोकमित्र हा राज्यस्तरीय सन्मान बहाल करण्यात आला. दरम्यान, लक्रांती अभियान राबविणारे महामंडलेश्वर जनार्धन महाराज यांच पाणी बचत व संवर्धनाची चित्रफीत दाखविण्यात आली तर चित्रकार सुनिल दाभाडे यांनी कार्यक्रमातच गाडगेबाबा यांचे तैलचित्र रंगवले. ठाकरे दाम्पत्याची सामाजिक चळवळीतील आसक्ती लक्षात घेऊन सत्यपाल महाराज यांनी हे तैलचित्र त्यांना भेट दिले.

यांनी घेतले परीश्रम
कार्यक्रम यशस्वीतेसाठी संघटनेच्या कार्याध्यक्षा मनिषा ठाकरे यांच्यासह सुधाकर पुना भंगाळे, संजय कांडेलकर, विश्वनाथ मोरे, सुमित बोदडे, अमोल चौधरी, स्वप्नील पवार, सचिव दीपक मांडोळे, नरेंद्र जाधव, मोहम्मद पिंजारी, हितेश रायपूर, धोबी युवा मंचचे विजय बाविस्कर, धोबी समाजाचे फैजपूर शहराध्यक्ष मुकेश सोनवणे, अनिल पाटील, सुनील सुतार, धनश्री ठाकरे, भगवान कोकाटे, भाग्यश्री ठाकरे, निशीकांत बामणोदकर, गौरव ठाकरे आदींनी परीश्रम घेतले.