गाळपाची रक्कम खात्यावर केली वर्ग

फैजपूर । मधुकर सहकारी साखर कारखान्याने सिझन 2016-17 चे झालेल्या गाळपाचे ऊस उत्पादकास यापूर्वी 1 हजार 800 रुपये प्रति मेट्रिक टन जाहिर केल्याने उर्वरित तीनशे रुपये प्रति मेट्रिक टनाप्रमाणे 12 जुलै रोजी ऊस उत्पादकांच्या खात्यावर वर्ग करण्यात आले असल्याची माहिती कारखान्याचे चेअरमन शरद महाजन यांनी दिली.

त्याचबरोबर कारखान्याचे चेअरमन व सर्व संचालकांनी माजी महसुलमंत्री आमदार एकनाथराव खडसे व जिल्हा बँकेच्या सहकार्यामुळे बँकेच्या चेअरमन अ‍ॅड. रोहिणी खडसे – खेवलकर व बँकेच्या सर्व संचालकांचे आभार मानले.