गॅस दरवाढीविरोधात राष्ट्रवादी महिला काँग्रेसचे आंदोलन

पिंपरी-चिंचवड :- गॅस दरवाढीविरोधात आज पिंपरी-चिंचवड शहर राष्ट्रवादी महिला काँग्रेसच्या वतीने चुलीवर भाकरी करुन केंद्र व राज्य सरकारच्या विरोधात जोरदार घोषणाबाजी करत आंदोलन करण्यात आले. यावेळी राष्ट्रवादी काँग्रेसच्या महिला कार्यकर्त्यांनी चुली मांडून भाकरी करुन गॅस दरवाढीचा निषेध केला. ‘गॅस दरवाढ करणा-या केंद्र, राज्य सरकारचा निषेध’, ‘नागपूरचा पोपट काय म्हणतो, गॅस दरवाढ मागे नाय म्हणतो’, ‘भाजपचे हेच का अच्छे दिन’, अशा घोषणा यावेळी आंदोलक महिलांनी दिल्या.

यांची होती उपस्थिती
पिंपरीतील, डॉ. बाबासाहेब आंबेडकर चौकात महिला शहराध्यक्षा वैशाली काळभोर यांच्या नेतृत्वाखाली झालेल्या आंदोलनात नगरसेविका विनया तापकीर, संगीता ताम्हाणे, माजी उपमहापौर विश्रांती पाडाळे, पुष्पा शेळके, शकुंतला भाट, सुप्रिया पवार, जयश्री पाटील, विद्या दिसले, दिपाली देशमुख, मंगल ढगे, रंजना कराळे, गंगा धेंडे, मनिषा गटकळ, कविता खराडे, रूपाली गायकवाड, सविता धुमाळ, संगीता जाधव, शिल्पा बिडकर आदी सहभागी झाले होते.