घरफोडीच्या चोरीच्या गुन्ह्यात पसार आरोपी जाळ्यात : 22 हजारांचे मोबाईल जप्त
जळगाव स्थानिक गुन्हे शाखेची कारवाई : अनेक गुन्हे उघडकीस येण्याची शक्यता
जळगाव : पाचोरा तालुक्यातील पिंपळगाव हरेश्वर पोलीस ठाणे हद्दीत झालेल्या घरफोडी प्रकरणी आरोपीला जरंडी येथून अटक करण्यात जळगाव गुन्हे शाखेला यश आले आहे. आरोपीने घरफोडीची कबुली देत 22 हजार रुपये किंमतीचे पाच मोबाईल काढूनदिले आहे. या आरोपीकडून आणखी काही गुन्हे उघडकीस येण्याची दाट शक्यता आहे. साईदास भगवान राठोड (22, रा.मंगलपुरी, रामेश्वर कॉलनी जळगाव, ह.मु. जरंंडी, ता.सोयगाव) असे अटकेतील आरोपीचे नाव आहे.
यांनी केली कारवाई
ही कारवाई जिल्हा पोलीस अधीक्षक डॉ.प्रवीण मुंढे, अपर पोलीस अधीक्षक चंद्रकांत गवळी, जळगाव गुन्हे शाखेचे पोलीस निरीक्षक किरणकुमार बकाले यांच्या मार्गदर्शनाखाली एएसआय अशोक महाजन, हवालदार लक्ष्मण पाटील , हवालदार संदीप सावळे, नाईक किशोर राठोड, नाईक रणजीत जाधव, नाईक श्रीकृष्ण देशमुख, कॉन्स्टेबल विनोद पाटील, कॉन्स्टेबल ईश्वर पाटील, चालक मुरलीधर बारी यांच्या पथकाने केली.
अनेक गुन्हे उघडकीस येणार
अटकेतील आरोपी साईदास राठोड याने पिंपळगाव हरेश्वर पोलीस ठाण्यात दाखल भाग 5 गुरनं.277/2021 भादंवि 380 प्रमाणे दाखल गुन्ह्यात घरफोडीची कबुली दिली आहे. आरोपीच्या ताब्यातून 22 हजार रुपये किंमतीचे पाच मोबाईल जप्त करण्यात आले आहे तर आणखी काही गुन्हे उघडकीस येण्याची दाट शक्यता आहे. आरोपीला पिंपळगाव हरेश्वर पोलीस ठाण्याच्या ताब्यात देण्यात आले आहे.