चर्चा योग्य दिशेने सुरु, लवकर निर्णय होईल; कॉंग्रेस नेत्यांच्या भेटीनंतर उद्धव ठाकरेंचे विधान

मुंबई: शिवसेना, राष्ट्रवादी आणि कॉंग्रेस पक्ष एकत्र येऊन सत्ता स्थापन करणार असल्याची शक्यता आहे. तिन्ही पक्षात बोलणी सुरु आहे. कॉंग्रेस-राष्ट्रवादीमध्ये शिवसेनेला पाठींबा देण्याबाबत आता अनुकुलता दिसून येत आहे. दरम्यान आज बुधवारी हॉटेल ट्रायडेंटमध्ये कॉंग्रेस नेते आणि शिवसेना प्रमुख उद्धव ठाकरे यांच्यात बैठक एक तास बैठक झाली. या बैठकीनंतर उद्धव ठाकरे यांनी प्रसार माध्यमांना आघाडीशी चर्चा योग्य दिशेने सुरु असून लवकर निर्णय सगळ्यांसमोर येईल असे विधान केले आहे. राजकीय घडामोडीत कॉंग्रेस आणि उद्धव ठाकरे यांच्यातील ही पहिलीच बैठक आहे. त्यामुळे महाशिवआघाडीच्या दिशेने पाऊले पडत असल्याचे दिसून येते.

सत्ता स्थापनेच्या समीकरणावर या बैठकीत चर्चा झाली असणार. शिवसेनेला कॉंग्रेस-राष्ट्रवादीसोबत सत्ता स्थापन करण्याशिवाय दुसरा कोणताही पर्याय शिल्लक राहिलेला नाही. त्यामुळे शिवसेना कॉंग्रेस-राष्ट्रवादीशी जुळवून घेण्यास उत्सुक दिसून येत आहे.