चाकूचा धाक दाखवून लाखोंचा दरोडा

जळगाव । शहरातील उपनगर पिंप्राळा येथील गणपती नगरातील पाटील कुटूंबिय घरात झोपलेले असतांना मागील खोलीचा दरवाजा तोडून पाच दरोडेखोरांनी चाकुचा धाक दाखूवन 45 ग्रॅम वजनाच्या सोन्यासह 35 ते 40 हजारांची रोकड लंपास केल्याची घटना गुरूवारी पहाटे 2.30 वाजेच्या सुमारास घडली. यावेळी दरोडेखोरांनी घरातून जेवनासह भांडे देखील चोरून नेले आहे. पहाटेच चोरीची माहिती तालुका पोलिसांना मिळताच त्यांनी घटनास्थळी गाठले. तोपर्यंत दरोडेखोर चोरी करून फरार झाले होते. यानंतर सकाळी तालुका पोलिसह शहर व एलसीबी पथकाकडून घटनास्थळाची पाहणी करण्यात आली. तसेच ठसे तज्ञ व श्वान पथकाने देखील पाचारण केले होते. यासोबतच पहाटे 3.30 वाजेच्या सुमारास पिंप्राळा हुडको परिसरातील सिध्दार्थ नगरात देखील कुटूंबिय झोपलेले असतांना चोरट्यांनी घरात डल्ला मारत 12 हजारांची रोकड लांबविली. ऐवढेच नव्हे तर स्वता:चा बुट तेथे सोडून घरमालकाचा बुट घालून पसार झाले आहे. तर एलसीबी पथकाने चोरट्यांचा बुट तपासणीसाठी ताब्यात घेतले आहे. गेल्या काही दिवसांपासून घरफोड्या व दरोड्यांच्या घटनांमध्ये झपाट्याने वाढ होत आहे. काही दिवसांपूर्वी देखील तरसोद फाट्याजवळील एचडीएफसी बँकेचे एटीएम मशीन गॅसकटरच्या साह्याने कापून पाच दरोडेखोरांनी 6 लाख 33 हजार रूपयांची रोकड लांबविली होती. त्यामुळे पोलिस गस्तीत वाढ करण्यात यावी अशी मागणी सर्वसामान्यांमधून होत आहे.

दाराला हिसका देत घरात प्रवेश
एरंडोल तालुक्यातील कासोदा येथील मुळेचे रहिवासी सुरेश रमेश पाटील हे पिंप्राळा येथे पत्नी प्रिती, मुलगा अरमान व मुलगी खुशी यांच्यासोबत गेल्या दिड वर्षांपासून पिंप्राळा येथील गणपती नगरात वास्तव्यास आहेत. सुरेश पाटील हे सुनिल एंन्टरप्राईझेस येथे कामाला आहेत तर त्यांच्या पत्नी देखील खाजगी नोकरी करतात. पाटील यांच्या घरी त्यांचे चुलत भाऊ अनिल पाटील हे पत्नीसोबत काही दिवसांसाठी भेटीसाठी आले आहेत. बुधवारी रात्री जेवन झाल्यानंतर संपूर्ण पाटील कुटूंबिय झोपले होते. गुरूवारी पहाटे 2.30 वाजेच्या सुमारास पाटील कुटूंबिय घरात झोपलेले असतांना दरोडेखोरांनी त्यांच्या घराच्या मागच्या दरवाज्याला जोरात हिसका दिला. आवाज झाल्याने सुरेश यांना जाग आली. मात्र, काही समजण्याच्या आताच दोन दरोडेखोरांनी घरात प्रवेश करत त्यांच्या गळ्याला चाकू लावून घरातील सोने-दागिने व रोकड देण्यास सांगितले. तर दोन दरोडेखोर घराबाहेर उभे होते तर एक कंपाऊडच्या बाहेर उभा होता. दरोडेखोर हिंदी भाषेत बोलणारे होते. त्यांनी घरातून कपाट फोडून सोने व रोकड चोरली.

सोने, रोकड लांबविली
सुरेश पाटील यांना गळ्याला तलावार लावून रोकड व सोने काढून देण्यास सांगितले. भितीपोटी प्रिती यांनी घराच्या कपाटातील 30 ग्रँम वजनाचे सोने व 30 ते 35 हजारांची रोकड दरोडेखारांन काढून दिली. यानंतर दोघं दरोडेखोर घराबाहेर येवून चर्चा करू लागले. चर्चेनंतर पुन्हा त्यांनी घरात जावून पुढील खोलीत झोपलेले अनिल पाटील व त्यांच्या पत्नी यांना त्यांच्याजवळील रोकड व दागिने देण्यास धमकावले. यानंतर अनिल यांच्या गळ्यातील चैन व सहा हजा रूपयांची रोकड व पत्नीजवळील 15 ग्रँम सोने हिसकावून दोन्ही दरोडेखोर बाहेर आहे. पुन्हा दरोडेखोरांनी आपआपसात चर्चा केली आणि पुन्हा घरात प्रवेश केला होता.

जेवण, भांडे नेले
तिसर्‍यांदा घरात दरोडेखोरांनी प्रवेश केल्यानंतर त्यांनी घरात जेवन देण्यासाठी तलवारीचा पुन्हा धाक दाखविला. यानंतर सुरेश पाटील यांनी किचन रूम दाखविल्यानंतर दरोडेखोरांनी भांड्यातील जेवन तसेच जगात पाणी भरून घेवून गेले. पसार होण्याआधी तुझे मारणे की सुपारी दिया था पर सोना और पैसे मिल गये इस लिये छोड दिया, अशी धमकी दरोडेखोरांनी दिली होती.

शेजारच्यांना दिल्या हाका
दरोडेखोर चोरी करण्यात व्यस्त असतांना घरातील लहान मुलाने कसे तरी पाण्याच्या बहाण्याने पुढचा दार उघडून शेजारी राहणार्‍यांच्या घराचा दरवाजा ठोठावला आणि आरोड्या दिल्या. घरातील एकही सदस्य बाहेर आला नाही. अन्यथा ही घटना टळली असती व एका तरी दरोडेखोरास पकडण्यात यश आले आले असते. पाचही दरोडेखोर चोरी केल्यानंतर हुडकोच्या दिशेने पसार झाले होते. दरम्यान, या घटनमुळे परिसरात एकच खळबळ उडाली होती.

अन् पोलिसांना साधला संपर्क
दरोडेखोरांनी चोरी करण्याआधी घरातील एक मोबाईल माळोच्यावर तर दुसरा मोबाईल पंलगाखाली फेकून दिला होता. पंरतू, सुरेश पाटील यांच्या पत्नी प्रिती यांनी मोबाईल लंपवून ठेवला होता. चोरटे दागिने व पैसे सावरण्यात व्यस्त असतांना त्यांनी बाथरूमध्ये जावून घाबर-घाबरत तालुका पोलिसांना संपर्क साधला व घटनेची माहिती दिली. शहरात दोन गणपती नगर असल्याने पोलिसांना देखील संभ्रम निर्माण झाला होता. तरी पोलिसांनी पिंप्राळा येथील गणपतीनगरात घराचा शोध घेण्याचा प्रयत्न केला. अखेर दरोडेखोर चोरी करून गेल्यानंतर पोलिसांना घर सापडले. यानंतर तालुका पोलिस ठाण्याचे सचिन बागुल व डिबी कर्मचार्‍यांनी परिसराची पाहणी केली.

पोलिसांकडून पाहणी
घटनेची माहिती मिळाल्यानंतर तालुका पोलिस ठाण्याचे सहाय्यक पोलिस निरिक्षक सचिन बागुल व कर्मचारी तसेच शहर पोलिस ठाण्याचे डिबी कर्मचारी विजयसिंग पाटील, एलसीबीचे वरीष्ठ पोलिस निरिक्षक सुनिल कुराडे, दिनेश बडगुजर, नरेंद्र वारूळे, विजय पाटील, जयंत चौधरी आदी कर्मचारी तसेच जिल्हापेठ पोलिस ठाण्याचे गजानन राठोड व सर्व पोलिस ठाण्यातील डिबी कर्मचारी गणपतीनगरात दाखल झाले होते. यासोबत ठसे तज्ञ पथक व श्वान पथकाने देखील पाचाराण केले होते. सुनिल कुराडे यांनी घटनेची माहिती घेत संपूर्ण परिसराची व घराची पाहणी केली. तसेच पोलिसांडून सुरेश पाटील यांच्याकडून घटनेची विचारपूस सुरू होती.