चाळीसगावात ट्रॅक्टरच्या धडकेत दोन ठार
चाळीसगाव – मजुरीसाठी चाळीसगाव येथे आलेल्या तालुक्यातील बाणगाव येथील तिघे जण घाटरोड मार्गे घराकडे मोटारसायकलवर जात असतांना समोरुन भरधाव वेगाने येणार्या ट्रॅक्टरने मोटारसायकलला धडक दिल्याने दोघांचा जागीच मृत्यू झाला तर एक जण जखमी झाल्याची घटना आज सायंकाळी साडेपाच वाजेच्या सुमारा शहरातील घाटरोड वर घडली. सुनिल सुरेश पाटील, गुड्डु बाळासाहेब देशमुख दोघे अशी मृतांची नावे असून ते दोघेही बाणगाव येथील रहिवासी होते. यात दत्तु पाटील हे जखमी झाले आहेत. (एमएच 19 डी 5163) जॉन डियर या ट्रॅक्टर चालकाने अपघाताची खबर न देता तेथून पलायन केले. शहर पोलीस स्टेशनला गुन्हा दाखल असुन तपास सहाय्यक पोलीस निरीक्षक राजेंद्र रसेडे करीत आहेत.