चाळीसगावात भरडधान्य खरेदी केंद्राचे उद्घाटन

चाळीसगांव । महाराष्ट्र शासनाच्या 19 ऑक्टोंबर च्या शासन निर्णयानुसार तसेच जिल्हाधिकारी यांच्या आदेशान्वये तालुकास्तरावर सन 2016-17 या खरीप पणन हंगामात किमान आधारभुत किमतीवर ज्वारी, बाजरी, मका या भरडधान्य खरेदीसाठी प्रत्येक तालुक्यातील शेतकरी सहकारी संघात भरडधान्य खरेदी केंद्र सुरु करावयाचे आहे. त्याअनुषंगाने चाळीसगावातील महाराष्ट्र राज्य वखार महामंडळाचे खडखी बु. शिवारातील गोदामात खरेदी केंद्राचे उद्घाटन आमदार उन्मेष पाटील यांच्या हस्ते करण्यात आले. यावेळी शेतकरी सहकारी संघाचे चेअरमन शशीकांत साळुंखे, उपाध्यक्ष अभय सोनवणे, तहसिलदार कैलास देवरे, संचालक जालम पाटील, भाऊसाहेब पाटील, शिवाजी आमले, किशोर देशमुख, नानासाहेब पाटील, बापू राठोड, विश्वास चव्हाण, सुभाष पाटील, किशोर देशमुख, नानासाहेब पाटील, सुर्यकांत वाघ, जयाजी भोसले, गोडावून व्यवस्थापक राजेंद्र कुर्‍हेकर आदि उपस्थित होते. खरेदी केंद्रावर अभिकर्ता म्हणून जिल्हा मार्केटींग फेडरेशन तर उप अभिकर्ता म्हणून शेतकरी सहकारी संघ लि. चाळीसगाव यांची नियुक्ती करण्यात आलेली आहे. तालुक्यातील सर्व शेतकर्‍यांनी या खरेदी केंद्रावर भरडधान्य विक्री करण्यासाठी आणतांना स्वच्छ व कोरडे (विक्री योग्य) तसेच ज्वारी, बाजमी, मका यांची 14 टक्के इतके आद्रता असलेलेच धान्य खरेदी करण्यात येणार असल्याची नोंद घ्यावी. अधिकाधिक शेतकर्‍यांनी या भरडधान्य खरेदी केंद्राचा लाभ घ्यावा असे आवाहन तहसिलदार कैलास देवरे यांनी केले आहे.