चाळीसगाव प्रथमच जनतेच्या थेट सहभागातून अर्थसंकल्प होणार सादर

चाळीसगाव । चाळीसगाव नगरपालिका अधिकाधिक लोकाभिमुख होऊन चाळीसगावच्या विकासाची गती वाढावी म्हणून यावर्षीपासून चाळीसगाव नगरपालिकेने आगामी अर्थसंकल्पात शहरातील नागरिकांच्या सूचना मागविण्याचा निर्णय घेतला आहे. यासाठी नुकतीच आमदार उन्मेशदादा पाटील यांच्या पुढाकाराने शहरातील विविध सामाजिक क्षेत्रात काम करणार्‍या मान्यवर पदाधिकार्‍यांची बैठक नगरपालिकेत संपन्न झाली. यावेळी आगामी शहराच्या अर्थसंकल्पाच्या दृष्टीने अनेक मुद्द्यांवर सविस्तर चर्चा करण्यात आली. यात मिळालेल्या सूचनांचे पालन करत या संकल्पनांच्या अनुषंगाने बजेट मध्ये तरतूद करण्याच्या सूचना आमदार उन्मेशदादा पाटील यांनी मुख्याधिकारी यांना दिल्या.

बैठकीला पदाधिकार्‍यांची उपस्थिती
नगराध्यक्षा आशालता चव्हाण व मुख्याधिकारी श्रीकृष्ण भालसिंग यांच्या उपस्थितीत झालेल्या या बैठकीला ना.ब.वाचनालयाचे अध्यक्ष लक्ष्मीकांत पाठक, डॉ.हेमांगी पूर्णपात्रे, संजय पवार, उद्योजक हिराशेठ बजाज, रोटरी क्लबचे संकीत छाजेड, मराठा सेवा संघाचे इंजि.साहेबराव पाटील, अंकुर साहित्य संघाचे शालीग्राम निकम, नगरपालिका गटनेते राजेंद्र चौधरी, विश्वास चव्हाण, नगरसेवक नितीन पाटील, घृष्णेश्वर पाटील, चंदुभाऊ तायडे, बापू अहिरे, भास्कर पाटील, मानसिंग राजपूत, विजयाताई पवार, आनंदजी खरात, विजयाताई पवार, व्यावसायिक संजय निंबाळकर, अ‍ॅड. प्रशांत पालवे, अमोल नानकर, बापू चव्हाण, जितेंद्र वाघ, राजेंद्र पाटील, अभय वाघ, जाधव सर आदी उपस्थित होते.