चाळीसगाव येथे एकास फायटरने मारहाण

चाळीसगाव । समोर थुंकल्याचा राग आल्याने एकाच्या तोंडावर फायटर मारुन जखमी केल्याची घटना दिनांक 15 ऑगस्ट रोजी सकाळी 10.30 वाजेच्या सुमारास शहरातील संजय गांधी नगर मध्ये घडली असुन चाळीसगाव शहर पोलीस स्टेशनला एकावर गुन्हा दाखल करण्यात आला आहे. याबाबत राकेश मधुकर पवार (32) रा. संजय गांधी नगर चाळीसगाव यांनी चाळीसगाव शहर पोलीसस्टेशनला दिलेल्या फिर्यादीत म्हटले आहे की दिनांक 15 ऑगस्ट रोजी ते त्यांच्या दारात सकाळी 10.30 वाजेच्या सुमारास थुंकले असता आरोपी देवराज मंगलसिंग राजपुत याने मला पाहुन का थुंकला याचा राग येवुन शिवीगाळ करुन धमकी देत खिशातील फायटर त्यांच्या तोंडावर, डोक्यावर व छातीवर मारुन जखमी केले. त्यांचा मोबाईल हिसकावून जमिनीवर फेकुन नुकसान केले व घरात घुसून घरातील एल ए डी टीव्ही वर फायटर मारुन नुकसान केल्याप्रकरणी देवराज राजपुत याचे विरोधात चाळीसगाव शहर पोलीस स्टेशनला गुन्हा दाखल करण्यात आला असुन तपास हवालदार राजेंद्र चौधरी करीत आहेत.