चिंचवडगावात अयोध्या श्रीराम मंदिर प्रतिकृती

पिंपरी-चिंचवड : चिंचवड नवरात्र उत्सवानिमित्त भक्तीमय वातावरणात देवीची, तसेच श्रीराम मूर्तीची विधिवत प्राणप्रतिष्ठापना करण्यात आली. राजेंद्र पवार, स्वाती पवार यांच्या हस्ते कार्यक्रम झाला. मकरंद बेलसरे यांनी पौराहित्य केले. चिंचवड नवरात्र महोत्सवातर्फे 18 ऑक्टोबरपर्यंत महिलांसाठी विविध कार्यक्रम आयोजित केले आहेत. दरम्यान, नियोजित अयोध्या श्रीराम मंदिराच्या साकारलेल्या हुबेहुब प्रतिकृतीचे उद्घाटन महापौर राहुल जाधव यांच्या हस्ते करण्यात आले. अयोध्येतील श्रीराम मंदिर संकल्प पूर्तीसाठी ‘श्री राम नाम जप’ सूर्योदय ते सूर्यास्तापर्यंत अशी संकल्पना केली आहे. त्याला नागरिकांचा उस्त्फूर्त प्रतिसाद मिळत आहे. प्रतिकृती पाहण्यास उत्स्फूर्त गर्दी केली.

यावेळी ज्ञानप्रबोधिनीचे वा. ना. अभ्यंकर, चिंचवड देवस्थान ट्रस्टचे मुख्य विश्‍वस्त मंदार देव महाराज, पश्‍चिम महाराष्ट्र धर्मजागरण प्रमुख हेमंत हरहरे, अपर्णा कुलकर्णी, राष्ट्रीय स्वयंसेवक संघाचे मुकुंदराव कुलकर्णी, विलास लांडगे, रवी नामदे, विश्‍व हिंदु परिषदेचे धनाजी शिंदे, संदेश भेगडे, बजरंग दलाचे कुणाल साठे, चिंचवडमधील ज्येष्ठ नागरिक धोंडीराम सायकर, नाना दामले, नीळकंठ चिंचवडे, स्मिता व रघुनाथ केतकर, केशव नेर्लेकर, रवींद्र घळसासी, शिवसेना जिल्हाप्रमुख गजानन चिंचवडे, नगरसेविका अश्‍विनी चिंचवडे आदी उपस्थित होते. या प्रसंगी हेमंत हरहरे, मुकुंद कुलकर्णी, विलास लांडगे,  दीपक सिमंत, अविनाश तिकोने, जितेंद्र देव, कुणाल साठे, शार्दुल पेंढारकर यांचा विशेष सन्मान करण्यात आला.

यानंतर रवींद्र देव संचलित ‘स्वानंद धुपारती’ मंडळाने श्री मोरया गोसावी यांची पदे सादर केली. श्री दत्तभजनी मंडळ गोखले वृंदावन आणि जोगेश्‍वरी भजनी मंडळ चिंचवड यांनी भजनसेवा दिली. सायंकाळी मृणालिनी मराठे संचलित ’कृष्ण कला मंच’ यांच्या वतीने रासगरबांचे सादरीकरण करण्यात आले. धर्मजागरण संस्थेच्या वतीने महादीप यज्ञ केला गेला. संयोजनामध्ये महेश बारसावडे, महेंद्र चिंचवडे, महेश गावडे, दत्ता संगमे, गजानन वाल्हेकर, संदीप दळवी, माणिक म्हेत्रे, बाळासाहेब वाल्हेकर, दत्तात्रय भोंडवे, दत्ता चिंचवडे, सोमनाथ चिंचवडे, अमित साठे यांनी परिश्रम घेतले.