चिखली ते तरसोद राष्ट्रीय महामार्गाच्या चौपदरीकरण कामाचे 18 रोजी भूमिपूजन

माजी मंत्री एकनाथराव खडसेंसह खासदार रक्षा खडसे यांच्या उपस्थितीत कार्यक्रम

मुक्ताईनगर- चिखली ते तरसोद राष्ट्रीय महार्ग क्र. 6 च्या चौपदरीकरणाचे काम तांत्रिक कारणामुळे अनेक वर्षांपासून प्रलंबित असल्याने प्रवाशांमधून प्रचंड नाराजीचा सूर होता तसेच वाहनधारकदेखील त्रस्त होते. प्रत्यक्ष अंदाजित रक्कम 900 कोटी किंमत असलेल्या या महामार्गाच्या कामाला अक्षयतृतीयेच्या शुभ मुहूर्तावर 18 रोजी दुपारी चार वाजता सुरुवात होत आहे. माजी महसूल मंत्री एकनाथराव खडसे, खासदार रक्षा खडसे यांच्या हस्ते रस्ता कामाचा शुभारंभ होईल.

या मान्यवरांची राहणार उपस्थिती
यावेळी बेटी बचाव बेटी पढावचे राष्ट्रीय संयोजक डॉ.राजेंद्र फडके, जिल्हा बँक अध्यक्षा तथा भाजपा जिल्हा सरचिटणीस अ‍ॅड.रोहिणी खडसे-खेवलकर, अल्पसंख्यांक आयोगाचे माजी अध्यक्ष आमीर साहब, विधानसभा क्षेत्रप्रमुख रमेश ढोले, जिल्हा परीषदेचे माजी अध्यक्ष अशोक कांडेलकर, भाजपा तालुकाध्यक्ष दशरथ कांडेलकर, बाजार समिती सभापती निवृत्ती पाटील, पंचायत समिती सभापती शुभांगी भोलाणे, उपसभापती प्रल्हाद जंगले, भाजपा जिल्हा उपाध्यक्ष विलास धायडे, भाजपा जिल्हा चिटणीस राजु माळी, अल्पसंख्यांक आघाडीचे जिल्हाध्यक्ष शकील सर, स्विय सहाय्यक योगेश कोलते, जि.प.सदस्य जयपाल बोदडे, निलेश पाटील, वैशाली तायडे, वनिता गवळे, सर्व पंचायत समिती सदस्य, भाजपा तालुका सरचिटणीस सतीश चौधरी, संदीप देशमुख, डॉ.बी.सी.महाजन उपस्थित राहतील. तालुक्यातील सर्व पदाधिकारी, कार्यकर्त्यांनी मोठ्या संख्येने उपस्थित रहावे, असे आवाहन भाजपा तालुकाध्यक्ष दशरथ कांडेलकर यांनी केले आहे.