चिदंबरम यांच्यावरील कारवाई सरकारची सूडबुद्धी: कॉंग्रेस

नवी दिल्ली: आयएनएक्स मीडियाशी संबंधित प्रकरणात काँग्रेसचे नेते पी. चिदंबरम यांना काल रात्री कॉंग्रेस भवनातून सीबीआयने अटक केली. चिदंबरम यांना झालेल्या अटकेवरून काँग्रेसने मोदी सरकारवर सूडबुद्धीचे राजकारण करत असल्याचे आरोप केले आहे. अर्थव्यवस्था आणि देशातील इतर मुद्यांवरून लक्ष वळवण्यासाठी हा खेळ सुरू आहे. सरकारकडून सीबीआय आणि ईडीचा वापर सूड घेण्यासाठी केला जात आहे, असा आरोप काँग्रेसने केला. कॉंग्रेस नेते रणदीप सुरजेवाला यांनी पत्रकार परिषद घेत सरकारवर आरोप केले आहे.

आयएनएक्स भ्रष्टाचार प्रकरणात सीबीआयने पी. चिदंबरम यांना सीबीआयने बुधवारी रात्री अटक केली होती. त्यानंतर काँग्रेस आक्रमक झाली असून, चिदंबरम यांना सर्वोच्च न्यायालयात हजर करण्यापूर्वी पत्रकार परिषद घेऊन मोदी सरकारवर टीका केली आहे. अर्थसमोरील संकट, बेरोजगारी, रूपयाची होत असलेली घसगुंडी इतके सगळे प्रश्न सध्या देशासमोर उभे आहेत. त्यावरून लक्ष हटवण्यासाठीच ही अटकेची कारवाई करण्यात आली आहे.