चोपड्यातील पुरातन उभा मारोती मंदिराचा जीर्णोद्धार

चोपडा। येथील भाई कोतवाल रोडवरील पुरातन उभा मारोती मंदिराच्या जिर्णोद्घारानिमित्ताने, श्री महादेव पिंडीच्या प्राणप्रतिष्ठेनिमित्त तीन दिवसीय कार्यक्रमांचे आयोजन करण्यात आले आहे. 15 ऑगस्ट रोजी सकाळी 9 वाजता शोभायात्रेचे आयोजन करण्यात आले आहे.

बुधवारी 16 रोजी होमहवन तर गुरुवारी 17 रोजी पूर्णाहुती, श्री महादेव पिंडीची प्राण प्रतिष्ठा, आरती व महाप्रसादाचे आयोजन करण्यात आले आहे. योगेस्नेह स्वामी, देव वल्लभ स्वामी यांच्या हस्ते प्राणप्रतिष्ठा व कलश रोहण करण्यात येणार आहे. शहरातील मध्यवर्ती भागात असणार्‍या या प्राचीन मंदिराच्या जिर्णोद्धरासाठी नरेंद्र बाबुराव मोरे यांचे अनमोल सहकार्य लाभले आहे.