चोरटी वाळूची वाहतूक : पोलिसांनी ट्रॅक्टर केले जप्त

जळगाव : शहरातील आशाबाबा नगरातून चोरटी वाळूची वाहतूक करणारे ट्रॅक्टरवर रामानंदनगर पोलिसांनी जप्त केले आहे. या प्रकरणी ट्रॅक्टर चालकासह मालकाविरोधात गुन्हा दाखल करण्यात आला.

गोपनीय माहितीवरून कारवाई
आशाबाबा नगर परीसरातून (एम.एच.19 सी. यु. 1753) या क्रमाकांचे ट्रॅक्टर वाळूची चोरटी वाहतूक करीत असताना रामानंदनगर पोलिस स्टेशनचे पोलिस निरीक्षक अनिल शिंदे यांच्या मार्गदर्शनाखाली पोलिस उपनिरीक्षक गोपाल देशमुख पोलिस नाईक जितेंद्र तायडे यांच्यासह पथकाने शनिवारी सायंकाळी संबंधित ट्रॅक्टरवर कारवाई केली. एक ब्रास वाळूने भरलेले ट्रॉलीसह ट्रॅक्टर असा दोन लाख तीन हजारांचा मुद्देमाल जप्त करण्यात आला. पोलिस उपनिरीक्षक गोपाळ देशमुख यांच्या फिर्यादीवरून ट्रॅक्टर चालक अनिल वना पाटील (रा.वैजनाथ, ता.एरंडोल) व ट्रॅक्टर मालक या दोन जणांविरूध्द रामानंदनगर पोलिसात गुन्हा दाखल करण्यात आला. पुढील तपास पोलिस नाईक जितेंद्र तायडे हे करीत आहेत.