जनसंग्राम बहुजन लोकमंचतर्फे राज्यस्तरीय लोकमित्र पुरस्कारासाठी आवाहन

फैजपूर- जनसंग्राम बहुजन लोकमंच सामाजिक संघटनेच्या वर्धापनदिनानिमित्त 1 मे रोजी लोकमित्र सन्मान सोहळा आयोजित करण्यात येणार आहे.यासाठी निरनिराळ्या क्षेत्रात प्रेरणादायी व आदर्शवत कार्य करणार्‍या विविध गटातील व्यक्ती व संस्थांना पुरस्कारासाठी प्रस्ताव पाठविण्याचे आवाहन क संघटनेचे संस्थापक अध्यक्ष विवेक ठाकरे यांनी एका प्रसिद्धीपत्राद्वारे केले आहे.

वर्धापनदिनानिमित्त मान्यवरांना पुरस्कार
संघटनेच्या 1 मे 2019 रोजी वर्धापनानिमित्त व महाराष्ट्र दिनाचे औचित्य साधत राज्यभरात प्रेरणादायी काम करणार्‍या सामाजिक, सांस्कृतिक, स्वयंसेवी,सहकार, शैक्षणिक, आरोग्य व क्रीडा, संगीत व पाणी बचतीसाठी तसेच इतर क्षेत्रात कार्यरत संस्था, महिला व आदर्श कार्य करणारे शिक्षक, आगळे कार्य करीत असलेले व्यक्ती आणि विविध क्षेत्रात ठसा उमटवून यशस्वी झालेले युवक-युवती यांना या वर्षापासून ‘राष्ट्रसंत श्री गाडगेबाबा लोकमित्र सन्मान देण्यात येणार आहे.

यांच्या उपस्थितीत सोहळा
संस्थेतर्फे लोकमित्र सन्मान, लोकमित्र गुरुवर्य, लोकमित्र गुरुकुल, लोकमित्र अन्नदाता, लोकमित्र पत्रकार, लोकमित्र आयडॉल पुरस्कार एकूण 31 सन्मानार्थीना विशेष सरकारी वकील अ‍ॅड.उज्ज्वल निकम, कवयित्री बहिणाबाई चौधरी उत्तर महाराष्ट्र विद्यापीठाचे कुलगुरू प्रा.पी.पी.पाटील व इतर मान्यवरांच्या हस्ते देण्यात येणार आहे. हा भव्य-दिव्य सन्मान सोहळा कार्यक्रम जिल्ह्यातील स्वातंत्र्य संग्रामाची कर्मभूमी म्हणून ओळख असलेल्या फैजपूर (ता.यावल) येथे होणार आहे. वरील गटातील शिक्षक, स्त्री-पुरुष, युवक-युवती, आपापल्या क्षेत्रात कार्यरत व्यक्ती आणि संस्थांनी आपापले प्रस्ताव येत्या 10 एप्रिल पर्यंत जनसंग्राम बहुजन लोकमंच ,एफ-1,तिसरा मजला, गोलाणी मार्केट, जळगाव या पत्त्यावर पाठवावे, असे आवाहन संघटनेच्या वतीने करण्यात आले आहे.