‘जलयुक्त’साठी श्रमदान करणार्यांवर आदिवासींचा हल्ला !
नाशिक – चांदवड तालुक्यातील मतेवाडी येथील वन विभागाच्या हद्दीत पाणी फाउंडेशनच्या ’वॉटर कप’ स्पर्धेतंर्गत ’जलयुक्त’चे कामकाज सुरू असताना स्थानिक आदिवासी नागरिकांनी दगडफेक केली. या दगडफेकीत श्रमदानासाठी आलेले नागरीक जखमी झाले आहेत. जमावाने सहा मोटरसायकल जाळल्याचेही असल्याचे वृत्त आहे.
मतेवाडीत श्रमदानासाठी नागरिक साधनसामु्ग्रीसह पोहचले होते. मात्र, अचानक झालेल्या हल्ल्यामुळे नागरिकांमध्ये गोंधळ उडाला. या हल्ल्यात सहा जण जखमी झाले आहेत. जखमींवर चांदवडच्या उपजिल्हा रुग्णालयात उपचार सुरू आहेत. या घटनेची माहिती मिळताच चांदवडचे वरिष्ठ पोलीस निरीक्षक संजय पाटील, वडनेरभैरवचे सहाय्यक पोलीस निरीक्षक सचिन साळुंखे व पोलीस कर्मचारी, दंगल नियंत्रक पथकाने घटनास्थळी धाव घेत परिस्थितीवर नियंत्रण मिळवले. या घटनेमुळे परिसरात सध्या तणावाचे वातावरण आहे.