जळगावसाठी 14 तर रावेरमध्ये 12 उमेदवार निवडणुकीच्या रिंगणात

जळगाव लोकसभेत गुलाबराव देवकर- आ. उन्मेष पाटील यांच्यात सरळ लढत
रावेरातही खा. रक्षा खडसे-डॉ. उल्हास पाटील आमनेसामने
जळगाव: 17 व्या लोकसभा सार्वत्रिक निवडणूकीसाठी नामनिर्देशनपत्र दाखल केलेल्या उमेदवारांनी उमेदवारी अर्ज मागे घेण्याच्या दिवशी जळगाव लोकसभा मतदार संघातून पाच उमेदवारांनी तर रावेर लोकसभा मतदार संघातून चार उमेदवारांनी आपले उमेदवारी अर्ज मागे घेतले आहेत. त्यामुळे आता जळगाव लोकसभा मतदार संघात 14 तर रावेर लोकसभा मतदार संघात 12 उमेदवार निवडणूकीच्या रिंगणात राहिले आहेत.

जळगाव आणि रावेर लोकसभा मतदारसंघातील लढतीचे चित्र आज स्पष्ट झाले आहे. जळगाव लोकसभेतुन भाजपाचे आ. उन्मेष पाटील व राष्ट्रवादीचे माजी मंत्री गुलाबराव देवकर यांच्यात सरळ लढत होणार आहे. तर रावेर लोकसभा मतदारसंघात भाजपाच्या विद्यमान खासदार रक्षा खडसे व काँग्रेसचे डॉ. उल्हास पाटील यांच्यात काट्याची टक्कर होणार आहे. दरम्यान आज जळगावमधुन पाच तर रावेरमधुन चार उमेदवारांनी माघार घेतली.

जळगावमधील रिंगणातील उमेदवार (कंसात निशाणी)
उन्मेश पाटील-भाजपा (कमळ), गुलाबराव देवकर- राष्ट्रवादी कॉग्रेस(घडयाळ), राहुल बनसोडे- बसपा(हत्ती), अंजली बाविस्कर- वंचित बहुजन आघाडी(कपबशी), ईश्वर मोरे- बहुजन मुक्ती पार्टी(खाट), मोहन बिर्‍हाडे-रासप(सेक्युलर)(बॅटरी टॉर्च),शरद भामरे (सुतार)- राजपा (सेक्युलर),(नारळाची बाग), संत बाबा महाहंस महाराज पाटील-हिंदुस्थान निर्माण दल(पाण्याची टाकी), अनंत महाजन- अपक्ष (फुलकोबी),ओंकार जाधव- अपक्ष (शिट्टी), मुकेश कुरील(संगणक), ललीत (बंटी)शर्मा- अपक्ष (ऊस शेतकरी), सुभाष खैरनार- अपक्ष (चावी), संचेती पारसमल- अपक्ष(कपाट) हे उमेदवार निवडणूकीच्या रिंगणात आहे.

जळगावमधुन यांनी घेतली माघार
आ. डॉ. सतीश पाटील, गनीशाह इस्हाक शाह, प्रदिप मोतीराया, वंदना पाटील, रऊफ शेख यांनी आपले उमेदवारी अर्ज मागे घेतले आहे.

रावेर लोकसभेच्या रिंगणातील उमेदवार(कंसात निशाणी)
डॉ. उल्हास पाटील-काँग्रेस(हात), खा. रक्षा खडसे- भाजपा(कमळ), डॉ. योगेंद्र कोलते-बसपा(हत्ती), अजित तडवी-राष्ट्रीय आम जनसेवा पार्टी(दुरध्वनी), अडकमोल रोहीदास रमेश-आंबेडकराईट पाटी ऑफ इंडिया(कोट), नितीन कांडेलकर-वंचित बहुजन आघाडी(कपबशी), मधुकर पाटील हिंदूस्थान जनता पार्टी(दुरदर्शन), रोशन आरा सादीक अली-इंडियन युनियन मुस्लिम लीग(गॅस सिलेंडर), गौरव सुरवाडे- अपक्ष(खाट), विजय तंवर अपक्ष (बॅट), नजमीन शेख रमजान- अपक्ष(झगा), डी. डी. वाणी- अपक्ष(कॅमेरा) हे उमेदवार निवडणूकीच्या रिंगणात आहे.

रावेरमधुन माघार घेतलेले उमेदवार
रावेर मतदारसंघातुन रविंद्र पवार, सुनिल पाटील, सुनिल जोशी, इम्रान खान यांनी आपले उमेदवारी अर्ज मागे घेतले आहे.