जळगावातून तरुणाची दुचाकी लांबवली

जळगाव : शहरातील शिवाजी नगर परीसरातील मारुती मंदिराजवळून तरुणाची 20 हजार रुपये किमतीची दुचाकी अज्ञात चोरट्यांनी चोरून नेली. या प्रकरणी शहर पोलिस ठाण्यात अज्ञात चोरट्यांविरोधात गुन्हा दाखल करण्यात आला.

शहरात दुचाकी चोरट्यांची टोळी सक्रिय
भूषण विजय सोनार (33, रा.राधारमण अपार्टमेंट, कानळदा रोड, जळगाव) हे खाजगी नोकरी करून आपला कुटुंबाचा उदरनिर्वाह करतात. त्यासाठी त्यांच्याकडे (एम.एच.18 ए.व्ही. 74) क्रमांकाची दुचाकी असून या दुचाकीचा वापर दैनंदिन कामासाठी करतात. 27 जानेवारी रोजी सायंकाळी 7 वाजेच्या सुमारास भूषण सोनार हे शिवाजी नगरातील मारुती मंदिराजवळ दुचाकीने आले व मारूती मंदिराजवळ दुचाकी त्यांनी पार्क केली. काम आटोपून परत आल्यानंतर त्यांना दुचाकीची चोरी झाल्याचे लक्षात आले. गुरुवार, 10 फेब्रुवारी रोजी दुपारी 2.30 वाजेच्या सुमारास त्यांनी शहर पोलिस ठाण्यात तक्रार दिल्यानंतर अज्ञात चोरट्यांवर गुन्हा दाखल करण्यात आला. पुढील तपास पोलिस नाईक गजानन बडगुजर करत आहे.