जळगावात अवैधरीत्या पान-मसाल्याची विक्री : संशयीताला अटक

जळगाव : अजिंका चौकातील तैबा पान सेंटर दुकानाजवळ अवैधरीत्या तंबाखू व तंबाखूजन्य सुगंधीत पान मसाल्याची विक्री करताना एकास ताब्यात घेण्यात आले. संशयीताकडून एक हजार 823 रुपये किंमतीचा मुद्देमाल हस्तगत करण्यात आला. याबाबत एमआयडीसी पोलिसात गुन्हा दाखल करण्यात आला.

गोपनीय माहितीवरून कारवाई
अजिंठा चौकातील तैबा कोल्डींग पान टपरीजवळ बेकायदेशीर तंबाखू व तंबाखूजन्य सुगंधित पान मसालाची विक्री होत असल्याची गोपनिय माहिती एमआयडीसी पोलिस ठाण्याचे पोलीस निरीक्षक प्रताप शिकारे यांना मंगळवारी 14 जून रोजी मध्यरात्री 12.30 मिळाली. त्यानुसार पोलीस पथकाने धडक कारवाई करत संशयीत आरोपी अल्तमेश शेख अकील (गणेशपुरी, मेहरूण, जळगाव) याला ताब्यात घेतले. त्याची झाडाझडती घेतली असता त्याच्याकडून एक हजार 823 रुपये किंमतीचे गुटखा, सुगंधीत पानमसाला, आरएमडी पान मसाला, सिंगारेट असा मुद्देमाल जप्त करण्यात आला. या प्रकरणी मंगळवारी 14 जून रोजी पहाटे साडे चार वाजता पोलिस हेड कॉन्स्टेबल विलास पाटील यांच्या फिर्यादीवरून संशयीत आरोपी अल्तमेश शेख अकील याच्या विरोधात गुन्हा दाखल करण्यात आला. पुढील तपास सहाय्यक पोलिस निरीक्षक प्रमोद कठोरे करीत आहे.