जळगावात चोरी करण्यापूर्वीच संशयीत अडकले पोलिसांच्या जाळ्यात

जळगाव : शहरात चोरीच्या उद्देशाने संशयास्पद फिरत असलेल्या तीन जणांना एमआयडीसी पोलिसांनी गस्तीदरम्यान अटक केली. या प्रकरणी एमआयडीसी पोलीसात गुन्हा दाखल करण्यात आला.

गस्तीदरम्यान कारवाई
एमआयडीसी पोलीस ठाण्याचे पोलीस कर्मचारी सहाय्यक फौजदार अतुल वंजारी, सुधीर सावळे, किशोर पाटील, मुकेश पाटील, सचिन पाटील हे बुधवार, 2 मार्च रोजी रात्री 10 वाजता शहरातील तांबापूरा भागात पेट्रोलींग करत असतांना सदोबा वेअर हाऊस येथील अंधारात तीन जण संशयास्पदरित्या हालचाली करतांना आढळून आले. एमआयडीसी पोलिसांनी पाठलाग करून शाहरूख राजू पिंजारी (26), समीर जुम्मा पिंजारी (20) आणि फिरोज खान अब्दूल खान (36, सर्व रा.एकनाथ नगर, रामेश्वर कॉलनी) यांना अटक केली. पोलिस नाईक सुधीर सावळे यांच्या फिर्यादीवरून बुधवार, 2 मार्च रोजी रात्री उशीरा एमआयडीसी पोलिस ठाण्यात गुन्हा दाखल करण्यात आला.