जळगावात तरुणाच्या डोक्यात फरशी मारली : तिघांविरोधात गुन्हा

जळगाव : अयोध्या नगरातील तरुणाला काहीही कारण नसतांना तीन जणांनी डोक्यात फरशी टाकून गंभीर जखमी केले. याबाबत एमआयडीसी पोलिस ठाण्यात तीन जणांविरोधात गुन्हा दाखल करण्यात आला. हेमंत ईश्वर चौधरी (24, रा.गौरव हॉटेल, अयोध्या नगर, जळगाव) असे जखमी झालेल्या तरूणाचे नाव आहे.

काहीही कारण नसताना केली मारहाण
हेमंत हा मजूरी करून आपल्या कुटुंबियाचा उदरनिर्वाह करतो शनिवार, दि.19 फेब्रुवारी रोजी अयोध्या नगरातील अयोध्या प्रोव्हीजन येथे रात्री 11 वाजता उभा असतांना काहीही कारण नसतांना स्वप्निल ठाकूर (रा. गणेशवाडी), निशांत चौधरी (रा.डीएनसी कॉलेज) व तप्तर्‍या (पूर्ण नाव माहित नाही, रा.जैनाबाद) या तिघांनी मिळून बेदम मारहाण केली. यातच स्वप्निल ठाकूर याने संतापाच्या भरात रस्त्यावर पडलेला फरशीचा तुकडा उचलून तो हेमंतच्या डोक्यात मारला तसेच इतर दोघांनी हात पकडून निशांत चौधरी यानेदेखील दगड उचलून हेमंतच्या डोक्यासह त्याच्या हातावर मारुन त्याला गंभीर जखमी केले. या मारहाणीत हेमंत चौधरी हे गंभीर जखमी झाले असून त्याच्यावर उपचार सुरू आहेत.

यांच्याविरोधात दाखल झाला गुन्हा
याप्रकरणी हेमंत चौधरी यांच्या फिर्यादीवरून रविवारी, 20 फेब्रुवारी रोजी सकाळी एमआयडीसी पोलीस ठाण्यात संशयीत आरोपी स्वप्निल ठाकूर (रा. गणेशवाडी), निशांत चौधरी (डीएनसी कॉलेज) व तप्तर्‍या (पूर्ण नाव माहित नाही, रा.जैनाबाद) या तिघांविरोधात एमआयडीसी पोलिसात गुन्हा दाखल करण्यात आला आहे. पुढील तपास अतुल पाटील हे करीत आहे.