जळगावात नवजात अर्भक कुजलेल्या स्थितीत आढळले

जळगाव : शहरातील खंडेरावनगर येथे शौचालयाचे बांधकाम सुरू असलेल्या एका घरात शुक्रवारी दुपारी दोन ते तीन दिवसांचे नवजात बालकाचे अर्भक कुजलेल्या अवस्थेत आढळल्याने खळबळ उडाली. याप्रकरणी रामानंदनगर पोलिस ठाण्यात गुन्हा दाखल करण्यात आला.

शौचालयाचे बांधकाम करताना घटना उघडकीस
खंडेराव नगरात भाडेकरारावरील एका घरात शेख इरफान शेख पिंजारी हे राहतात. या घराचे पक्के बांधकाम सुरू आहे. गुरुवारी 4 नाव्हेंबर रोजी सायंकाळी सहा वाजेच्या सुमारास या ठिकाणी शौचालयाचे बांधकाम सुरू असताना कामगारांनी पत्र लावण्याचे काम पूर्ण केले. दुसर्‍या दिवशी शुक्रवार, 5 नोव्हेंबर रोजी सकाळी दुर्गंधी सुटल्याने परीसरातील नागरीकांनी पाहणी केली असता शौचालयाचे बांधकाम सुरू असलेल्या ठिकाणी प्लास्टिकच्या गोणीत नवजात बालक कुजलेल्या स्थितीत आढळून आले. त्यामुळेच दुर्गंधी सुटल्याचा प्रकार समोर आल्यानंतर नागरीकांनी रामानंदनगर पोलिसांना प्रकाराबाबत माहिती दिली. माहिती मिळाल्यावर रामानंद नगर पोलीस स्टेशनचे पोलीस निरीक्षक विजय शिंदे, पोलीस उपनिरीक्षक गोपाळ देशमुख, सागर देवरे, नितेश बच्छाव, भूषण पाटील, अतुल चौधरी, संजय तडवी, रेवानंद साळुंखे यांनी घटनास्थळ गाठले. प्लास्टिकच्या गोणीत अंदाजे दोन ते तीन दिवसांचे अर्भक कुजलेल्या स्थितीत आढळून आले. पोलिसांनी अर्भक जिल्हा रुग्णालयात दाखल केले आहे. याप्रकरणी रामानंदनगर पोलीस ठाण्यात गुन्हा दाखल करण्यात आला.