जळगाव जिल्ह्यात ९४ रुग्णांचे कोरोना तपासणी अहवाल निगेटिव्ह

२५ जणांचे अहवाल प्रतीक्षेत

जळगाव – जिल्ह्यात कोरोनाचे १२३ संशयित रुग्ण शासकीय वैद्यकीय महाविद्यालय व रुग्णालयात दाखल झाले असून त्यापैकी ९४ जणांचे तपासणी अहवाल निगेटिव्ह आल्याची माहिती वैद्यकीय महाविद्यालयाचे डीन डॉक्टर भास्कर खैरे यांनी दिली. दरम्यान आज नव्याने कोरोनाचे सात संशयित रुग्ण रूग्णालयात दाखल झाले आहेत.

जळगाव जिल्ह्यात कोरोनाने प्रवेश केला असून दोन रुग्ण पॉझिटिव्ह आढळून आले आहे. त्यापैकी एकाचा मृत्यू झाला आहे तर दुसऱ्यावर उपचार सुरू आहे. दरम्यान आतापर्यंत १२३ संशयित रुग्ण रूग्णालयात दाखल झाले असून त्यापैकी ९४ जणांचे अहवाल निगेटिव आले आहेत. तर २५ जणांची तपासणी अहवाल अद्याप येणे बाकी आहे. आतापर्यंत २५८४ जणांची स्क्रीनिंग तपासणी करण्यात आली आहे. तसेच आज नव्याने सात संशयित रुग्ण रूग्णालयात दाखल झाले असल्याचेही डॉक्टर भास्कर खैरे यांनी कळविले आहे.