जळगाव शहरातून तरुणाची महागडी दुचाकी लंपास

जळगाव : शहरातील गोलाणी मार्केट परीसरातून एका तरुणाची 80 हजार रुपये किंमतीची महागडी दुचाकी अज्ञात चोरट्यांनी लांबवली. शहरात सातत्याने दुचाकी चोरीच्या घटना घडत असल्याने चोरट्यांचा बंदोबस्त करण्याची अपेक्षा आहे. अज्ञात चोरट्यांविरोधात शहर पोलीस ठाण्यात गुन्हा दाखल करण्यात आला.

चोरट्यांचा आता दुचाकींवर डोळा
अजय सुनिल शिंदे (27, रा.आव्हाने, ता.जि.जळगाव) हा तरुण मोलमजुरी करून आपला उदरनिर्वाह करतो. रविवार, 27 फेब्रुवारी रोजी सकाळी 11 वाजेच्या सुमारास अजय हा दुचाकी (एम.एच.19 डी.यू.5034) क्रमांकाच्या दुचाकीने जळगावच्या शहरातील गोलाणी मार्केट भागातील गायत्री फुल भंडारजवळ आला असता त्यांनी दुचाकी लावली व कामासाठी निघून गेला. काही वेळेतच चोरट्यांनी दुचाकी लांबवली. या प्रकरणी अज्ञात चोरट्यांविरोधात जळगाव शहर पोलिस ठाण्यात गुन्हा दाखल करण्यात आला. पुढील तपास पोलिस नाईक योगेश बोरसे करीत आहे.