‘जागतिक माफीनामा दिन’ म्हणून अश्विनने घेतली फिरकी

मुंबई। कांगारूचा माजी खेळाडू ब्रॅड हॉजने विराट कोहलीवर टीका केली होती.त्या टिकेबद्दल ब्रॅडने माफी मागितली.त्याने माफी मागित्यानंतर भारताचा फिरकीपटू रविचंद्रन अश्विन याने फिरकीसारखी फिरकी घेत म्हणाला की यापुढे 30 मार्च हा दिवस ‘जागतिक माफीनामा दिन’ म्हणून ओळखला जाईल.असे ट्विट करून शब्दातून ब्रॅडची फिरकी घेतली. भारत ऑस्ट्रेलिया कसोटी मालिका ही खेळापेक्षाही स्लेजिंगमुळे गाजली किंवा गाजत आहे.

ब्रॅड हॉजने कोहलीवर आरोप केला होता
खेळाडूंमध्ये उडालेले खटके आणि ऑस्ट्रेलियन माध्यमांनी कोहलीवर केलेली टीका यामुळे ढवळून निघालेले वातावरण कमी की काय त्यात ब्रॅड हॉजने कोहलीवर आरोप करून आगीत तेल ओतण्याचे काम केले होते. रांची कसोटीत कोहलीला क्षेत्ररक्षण करताना उजव्या खांद्याला दुखापत झाली होती. पूर्णपणे फिट नसल्याने कोहली अखेरची कसोटी खेळी शकला नव्हता. पण हॉज यांनी आपल्या अकलेचे तारे तोडून कोहलीने मुद्दाम विश्रांती घेतल्याचे म्हटले. त्यावर टीका सुरू झाल्यानंतर हॉजला उपरती आली. आपल्या ट्विटर अकाऊंटवर हॉजने कोहलीबद्दल केलेल्या वक्तव्यावर जाहीर माफीनामा सादर केला. ‘होय, मी चुकलो मला माफ करा’; कोहलीबद्दलच्या विधानावर ब्रॅड हॉजचा माफीनामा मी स्वत: एक क्रिकेटपटू असल्याने एका महत्त्वाच्या सामन्यावेळी मैदानाबाहेर बसावे लागण्याचे दु:ख मी समजू शकतो. त्यामुळे कोहलीबद्दल केलेल्या विधानाबद्दल मी संपूर्ण देशाची आणि मुख्यत्वे कोहलीची वैयक्तिकरित्या माफी मागतो. एखाद्या व्यक्तिच्या भावना किंवा राष्ट्रप्रेम दुखावण्याचा माझा अजिबात हेतू नाही, असे हॉजने आपल्या माफीनाम्यात म्हटले.