जागर साकारणार बुक बँक उपक्रम
भुसावळ । आपल्याकडे उपलब्ध असलेली पुस्तके जमा करण्याचे जागर प्रतिष्ठानने आवाहन केले असून ती पुस्तके वाचनसंस्कृती जोपासण्यासाठी उपयोगात आणली जाणार आहेत. हा उपक्रम बुक बँक म्हणून असेल. पुस्तक वाचनाची गोडी वाढावी, लहान मुलांमध्ये वाचनसंस्कृती रूजावी, वाचनातून ज्ञानसमृद्धी व्हावी यासाठी हा उपक्रम राबविण्यात येणार आहे. अनेक वेळा वाचलेली पुस्तके घरात अडगळीत पडून राहतात अथवा वाचन झाल्यावर पुस्तकांकडे दुर्लक्ष होते अशावेळी ही पुस्तके इतरांना उपयोगी यासाठी यासाठी बुक बँक हा उपक्रम राबविण्याचे जागर प्रतिष्ठानचे अध्यक्ष प्रा.पंकज पाटील यांनी ठरविले आहे. त्याअंतर्गत वाढदिवस, दिनविशेष, स्मृतीप्रित्यर्थ, जुनी पुस्तके, जीर्ण झालेली परंतु वाचन उपयोगी पुस्तके बुक बँकमध्ये जमा करता येणार आहे. या उपक्रमात सहभागी होण्यासाठी राजपथ क्लासेस, जामनेर रोड यांच्याशी संपर्क साधावा, असे आवाहन उपाध्यक्ष श्रीराम सपकाळे, सचिव प्रा.निलेश गुरूचल, कोषाध्यक्ष प्रा.हृषीकेश पवार, कायदेशीर सल्लागार अ‍ॅड.हरेशकुमार पाटील, तज्ञ मार्गदर्शक डॉ.जगदीश पाटील, संचालक गोकूळ सोनवणे, पवन पाटील यांनी केले आहे.