जामनेरतील एका हॉटेलमध्ये दरोडा टाकलेल्या आरोपींना अटक, मुक्ताईनगर पोलीसची कारवाई

मुक्ताईनगर प्रतिनिधी — मुक्ताईनगर कडे आठ ते दहा संशयित दरोडा टाकण्याच्या तयारीत असल्याच्या गुप्त माहितीवरून मुक्ताईनगर पोलिसांनी सिनेस्टाईल जाळे टाकून ईरटीका गाडी अडवून त्यातून आठ जणांना ताब्यात घेऊन अटक केली असून त्यांच्याजवळ एक गावठी कट्टा सुरा 69 हजार रुपये रोख व मोबाईल मिळून आले असून त्यांच्यावर मुक्ताईनगर पोलिसात गुन्हा दाखल करण्यात आला आहे. सदर घटना 23 रोजी रात्री साडेआठ ते नऊ वाजेच्या दरम्यान मुक्ताईनगर येथील बोदवड चौफुलीवर घडली .

दरम्यान याबाबत अधिक माहिती अशी की , राजकुमार सी. पोलीस अधिक्षक जळगांव, अपर पोलीस अधिक्षक चंद्रकांत गवळी जळगांव, उपविभागीय पोलीस अधिकारी राजकुमार शिंदे मुक्ताईनगर यांनी वेळोवेळी नाकाबंदी करणे, सराईत गुन्हेगार तपासणी करणे बाबत आदेश/सुचना दिल्या होत्या.

 

त्या प्रमाणे कार्यरत असतांना पोलीस निरीक्षक नागेश मोहीते यांना गोपनीय माहीती मिळाली की, 23/08/2023 रोजी रात्री 8.30 वा.चे सुमारास एका पांढ-या रंगाची ईरटीगा गाडीने सात आठ पुरुष हे दरोडा टाकण्याच्या उद्देशाने मुक्ताईनगर शहराकडेस येत आहे. त्यावरुन पोलीस निरीक्षक मोहीते यांनी नाकाबंदीस असलेले पो.उपनिरीक्षक राहुल बोरकर, पोहेकॉ विनोद सोनवणे, पोहेकॉ संदिप खंडारे, पोना धर्मेंद्र ठाकुर, पोना संदीप वानखेडे पोकॉराहुल बेहनवाल, पोकों संदिप धनगर, पोकों रविंद्र धनगर, पोकां मंगल सोळंके, पोकों अमोल जाधव यांना बोदवड चौफुल्ली येथे बोदवड कडुन येणा-या वाहनाची तपासणी करण्याची सुचना दिली.

 

त्या प्रमाणे वरील नाकाबंदी टिमने एक पांढ-या रंगाची इस्टीगा गाडी क्र. MH-46 A-8521 ही थांबवली. त्यातील इसमांना पोलीस ठाणे येथे आणुन त्यांची आणी वाहनाची झडती घेतली असता खालील प्रमाणे इसम आणी मुद्देमाल मिळून आला. 1) मुकेस फकीरा गणेश वय-42 रा. बखारी जय भिमवाडी शहापुर जि. बुरहानपुर राज्य मध्य प्रदेश 02) शेख भुरा शेख बशिर क्य38 रा. शहापुर वॉर्ड क्रं. छोटा बाजार जि.बुरहानपुर राज्य मध्य प्रदेश 03) शेख शरीफ शेख सलीम वय 35 रा. इच्छापुर बाजार गल्ली मशिद चे पाठीमागे जि.बुरहानपुर राज्य-मध्य प्रदेश (04) शाहरुख शहा चांद शहा वय 20 रा. आगननाका उजेन्न राज्य-मध्य प्रदेश (05) अज्जु उर्फ अझरुदीन शेख अमिनुद्दीन वय 36 विरन कॉलनी 13 नंबर गल्ली अमीनपुरा बुरहानपुर राज्य मध्य प्रदेश (06) अंकुश तुळशिराम चव्हाण वय 20रा. खापरखेडा तहसिल खकणार जि.बुरहानपुर राज्य मध्य प्रदेश 07 ) खजेंदरसिंग कुलबिरसिंग रिन वय 40 रा. लोधीपुरा बुरहानपुर राज्य मध्य प्रदेश 08)शेख नईम शेख कय्युम वय 45 रा. शहापुर वॉर्ड क्रं. 5 छोटाबाजार तहसिल

 

कार्यालय जवळ बुरहानपुर राज्य मध्य प्रदेश मिळालेला मुद्देमाल

 

1) रु.69,650/- रोख रक्कम

 

2) रु. 40,000/- किमतीचा एक गावठी कट्टा

 

3) रु.1500/- कि.चा तिन जिवंत काडतुस

 

4) रु. 1500/- सुरा

 

5) रु.6.77,750 कि.ची इस्टीगा गाडी (6) रु. 41.500 कि. चे 06 मोबाईल फोन

 

7) रु.50/- कि.ची. सुती दोरी 8) रु.200कि.च्या दोन नंबर प्लेट

 

वरील इसमांना अटक करुन त्यांचे विरुद्ध CCTNS No – 307/2023 भादवि कलम 399, 402 सह भारतीय हत्यार कायदा कलम 3/25, 4/25, मपोका कलम 37 (1) (3) चे उल्लंघन कलम 135 प्रमाणे गुन्हा दाखल करण्यात आला आहे. पुढील तपास पो.नि. नागेश मोहिते हे करीत आहे.

 

सदरची कारवाई .पोलीस अधिक्षक जळगांव एम. राजकुमार. , अपर पोलीस अधिक्षक चंद्रकांत गवळी जळगांव, उपविभागीय पोलीस अधिकारी राजकुमार शिंदे मुक्ताईनगर यांचे मार्गदर्शनाखाली पोलीस निरीक्षक नागेश मोहीते, सपोनी संदिप दुनगहु, पोलीस उपनिरीक्षक प्रदिप शेवाळे, पोलीस उपनिरीक्षक श्री. राहुल बोरकर पोहेकॉ विनोद सोनवणे, पोहेकॉ संदिप खंडारे, पोना धर्मेंद्र ठाकुर, पोना संदीप वानखेडे पोका राहुल बेहनवाल, पोकॉसंदिप धनगर, पोकों रविंद्र धनगर, पोकॉ मंगल सोळंके, पोकों अमोल जाधव यांनी केलेली आहे.

 

# पोलीस प्रशासनाकडून दिशाभूल ..? परिसरात चर्चा…—

दरम्यान याबाबत पोलीस प्रशासनाकडून दिशाभूल करण्यात येत असल्याची परिसरात चर्चा आहे याबाबत परिसरात अशी चर्चा आहे की संबंधित टोळके हे जामनेर ते बोदवड येथील पत्त्याच्या क्लब करून काही रक्कम घेऊन प्रसार झाले होते त्यामुळे क्लब चालकांनी जामनेर पोलीस तसेच बोदवड पोलिसांना कळविले परंतु सदर ईरटीगा गाडी ही मुक्ताईनगर च्या दिशेने आल्याने त्यांनी पुन्हा मुक्ताईनगर पोलिसांना या संदर्भात कळविले त्यामुळे मुक्ताईनगर पोलिसांनी सिनेस्टाईल जाळे टाकून मुक्ताईनगर येथील बोदवड चौफुलीवर गाडी अडवून आठ जणांना ताब्यात घेतले. तेव्हा त्यांच्या जवळून एक गावठी कट्टा काही रक्कम व सुरा मोबाईल तसेच नंबर प्लेट आढळून आल्याची चर्चा आहे.दरम्यान सदर टोळक्याने खरोखरच क्लब वरून रक्कम चोरली होती काय ? नेमकी ती रक्कम किती होती ? या प्रकारात पोलिसांनी लाखोंची रक्कम लाटल्याच्या चर्चेसही उधाण आले आहे.