जामनेरात तरुणाने गळफास घेऊन आत्महत्या

जामनेर – शहरातील ३५ वर्षीय तरुणाने गळफास घेऊन आत्महत्या केल्याची घटना घडली असून जामनेर पोलिस स्टेशनला अकस्मात मृत्यूची नोंद करण्यात आली आहे. याबाबत अधिक माहिती अशी की, शहरातील श्रीराम पेठ भागातील विनोद श्रावण शिरसाठ (वय-३५) याने राहत्या घरातील छताला दोर अडकवून गळफास घेऊन आत्महत्या केली आहे. मयताच्या आत्महत्येचे नेमके कारण कळू शकले नसून जामनेर पोलिस स्टेशनला अकस्मात मृत्यूची नोंद करण्यात आली आहे. पुढील तपास पोहेकॉ सुभाष माळी हे करीत आहे.