जिल्हा काँग्रेसतर्फे भाजपा सरकारविरोधात लाक्षणिक उपोषण

नंदुरबार । जिल्हा काँग्रेस कमिटीच्या वतीने 9 एप्रिल रोजी नंदुरबार येथे एक दिवसीय उपोषण करण्यात येणार आहे, यात कार्यकर्त्यांनी मोठ्या संख्येने सहभागी व्हावे असे आवाहन आ. चंद्रकांत रघुवंशी यांनी केले आहे. देशात कायदा व सुव्यवस्था बिघडला असून सामाजिक सलोखा खराब होत चालला आहे. भाजप शासनाच्या या नाकर्तेपणाच्या निषेधार्थ अखिल भारतीय काँग्रेस कमिटीच्यावतीने एक दिवसीय उपोषण करण्याचा निर्णय राहुल गांधी यांनी घेतला आहे. त्याचाच एक भाग म्हणून नंदूरबार येथील हुतात्मा उद्यानाजवळ सोमवारी सकाळी 10 वाजता उपोषण केले जाईल. यात आ. सुरुपसिंग नाईक,माजी केंद्रीय राज्य मंत्री माणिकराव गावित,आ. के.सी.पाडवी, माजी मंत्री पद्माकर वळवी,जिल्हा परिषदेच्या अध्यक्षा रजनी नाईक,माजी अध्यक्ष भरत गावित,नगराध्यक्ष रत्ना रघुवंशी, शिरीष नाईक,भरत पटेल,रमेश गावित,रवींद्र मराठे,आदी सहभागी होणार आहेत, या आंदोलनात काँग्रेसच्या पदाधिकारी व कार्यकर्ते यांनी उपस्थितीचे आवाहन केले आहे.